Týyndyda Býrabaı, Qatonqaraǵaı, Altyn-Emel, Jońǵar-Alataýy memlekettik ulttyq parkteriniń keremet kórinisteri kórsetiledi.
Ánshi Dımash Qudaıbergenmen birge elimizdiń týrısik oryndarynda beınebaıan túsirýge kiristi, dep habarlaıdy aqshamnews.kz
Joba aıasynda tyńdarmandarǵa Qazaqstannyń tabıǵı jáne mádenı qazynalaryna arnalǵan jańa mýzykalyq kompozısıa usynylady.
Týrızm jáne sport mınıstrliginiń habarlaýynsha, beınebaıannyń túsirilimi Sharyn shatqaly, Kólsaı kólderi, Aqmeshit úńgiri, Áziret-Sultan qoryq-mýzeıi, sondaı-aq Bozjyra shatqaly, Torysh alqaby jáne taǵy da basqa elimizdegi tanymal týrısik oryndarda ótti. Sondaı-aq jańa týyndyda Býrabaı, Qatonqaraǵaı, Altyn-Emel, Jońǵar-Alataýy memlekettik ulttyq parkteriniń keremet kórinisteri kórsetiledi dep kútilýde.
Joba daryndy ónerpazymyzdyń jankúıerlerin elimizdiń tabıǵı jáne mádenı murasymen tanystyrýǵa, sol arqyly Qazaqstannyń týrızmin damytýǵa múmkindik beredi.
"Dımash – Qazaqstan týrızminiń elshisi atanýǵa laıyqty tulǵa. Kóptegen adam Qazaqstandy Dımash arqyly tanıdy", -dep atap ótti ánshiniń Qytaıdaǵy fanklýby.
"Dımash bizdi óner arqyly Qazaqstanmen tanystyrdy. Ol óziniń konsertterinde, kezdesýlerde bizdi árdaıym Qazaqstanǵa shaqyrady. Shynaıy jankúıerleri álemniń túkpir-túkpirinen Dımashtyń Otanyna barady. Sondyqtan biz bıyl qyrkúıekte ótetin Dımashtyń konsertine (Astana qalasynda) kelemiz", - dep pikir jazdy joba týraly jarıalanymnyń astyna Olga Grıchenko esimdi tyńdarman.