Sybaılas jemqorlyqqa qarsy qyzmettiń tóraǵasy Asqat Jumaǵalı halyq ártisimen kezdesti.
Qazaqstandaǵy jemqorlyqpen kúresýge endi áıgili ánshi Dımash Qudaıbergen de kómektesetin bolady, dep habarlaıdy aqshamnews.kz
Antıkor basshysy men óner ıesiniń kezdesýi jáı áńgime formatynda ǵana ótken joq, olar ónerdiń jemqorlyqqa tosqaýyl qoıýǵa qalaı yqpal ete alatynyn talqylady.
Agenttik tóraǵasy óner juldyzyna jemqorlyqtyń aldyn alý boıynsha jasalyp jatqan jumystar jáne onymen kúresýde qandaı zamanýı ádister qoldanylatyny jaıly túsindirgen. Sondaı-aq Antıkor tóraǵasy jemqorlyqpen kúres máselesinde óner salasy oń septigin tıgizedi dep sanaıdy.
«Taraptar sybaılas jemqorlyq deńgeıin tómendetýge, mádenı jáne bilim berý bastamalary arqyly parasattylyq qaǵıdattaryn nasıhattaýǵa baǵyttalǵan qoǵamdaǵy zańdylyq pen tártip qaǵıdattaryn ilgeriletý sheńberindegi birlesken jobalardy talqylady»,– delingen Antıkor habarlamasynda.
Dımash Qudaıbergen de atqarylyp jatqan jumystarǵa jáne bolashaqtyń ıgiligi úshin sybaılas jemqorlyqqa qarsy is-qımyl isine qoldaý bildirýge qarsy emestigin jetkizdi.