Almaty soty sheshimimen 7 naýryzyna deıin uzartyldy.
«Dıkıı Arman» laqap atymen tanymal Arman Jumageldıevtiń qamaýda ustaý merzimi 2023 jyldyń 7 naýryzyna deıin uzartyldy, dep habarlaıdy Almaty-akshamy.kz.
«Almaty mamandandyrylǵan aýdanaralyq tergeý sotynyń 2022 jylǵy 29 jeltoqsandaǵy aqparaty boıynsha, sot qaýlysymen tergeý organdarynyń D.-ǵa qatysty qamaýda ustaý merzimin 2023 jyldyń 7 naýryzyna deıin uzartýǵa sanksıa berý týraly ótinishi qanaǵattandyryldy», - dep habarlady Almaty qalalyq sotynyń baspasóz qyzmeti.
Eske salaıyq, byltyr 7 qańtarda Almatyda polıseıler «Dıkıı Arman» laqap atymen tanymal qylmys áleminiń «bedeldisi» Arman Jumageldıevti ustaǵan bolatyn.
Keıin QR Bas prokýratýrasy «Dıkıı Armannyń» Ulttyq qaýipsizdik qyzmetiniń tergeý ızolátorynda otyrǵanyn jetkizdi.
Bas prokýror Berik Asylov keshe Májilis otyrysynda málim etkendeı, tergeý versıasy boıynsha Almatyda Jumageldıev (laqap aty «Dıkıı Arman») erekshe ról atqarǵan», onyń áreketin UQK-degi kýratory úılestirgeni anyqtaldy.