Digital Bridge 2023 forýmynda «Azamattarǵa arnalǵan úkimet» memlekettik korporasıasy» KEAQ Basqarma tóraǵasy Qazaqstan Respýblıkasynyń Prezıdenti men shara qonaqtaryn qujattama termınalymen tanystyrdy.
Biregeı joba qazir Astana men Almatyda júzege asyryldy. Termınaldyń arqasynda azamattar tólqujat pen jeke kýálik alýǵa ózderi ótinish bere alady. Rásimdeý barysynda klıentter eń sátti fotosýretti tańdap, memlekettik bajdy sol jerde tóleı alady. Ótinishti tapsyrý 5 mınýttan aspaıtyndaı ýaqytty talap etedi, dep habarlaıdy Almaty-akshamy.kz
«Jyl basynan beri 2 mıllıonǵa jýyq azamat tólqujat pen jeke kýálik aldy. Kóptegen jyldar boıy bul qyzmet Qazaqstandaǵy eń tanymal qyzmetterdiń biri bolyp tabylady. Azamattardyń ony tez ári kezek kútpesten alýy úshin Memlekettik korporasıa QR İİM-men birlesip «Qujattamalyq termınal» jobasyn júzege asyrdy. Qazir termınaldar ornatylǵan halyqqa qyzmet kórsetý ortalyqtaryna azamattar ótinishterdiń 25 paıyzdan astamyn óz betinshe beredi», - dedi Memlekettik korporasıanyń basqarma tóraǵasy Súıenish Ábdildın.
Búgingi kúni termınaldar Astanada Kereı, Jánibek Handar kóshesi, 4 jáne Almaty qalasynda, Markova kóshesi, 44 mekenjaılary boıynsha ornalasqan halyqqa qyzmet kórsetý ortalyqtarynda ornatylǵan. Jobany masshtabtaý aıasynda Astanadaǵy barlyq halyqqa qyzmet kórsetý ortalyqtarynda termınaldar ornatylyp, olardy iske qosý jumystary júrgizilýde. Memlekettik korporasıanyń Basqarma tóraǵasynyń aıtýynsha, aldaǵy ýaqytta mundaı qurylǵylardy búkil Qazaqstan boıynsha ornatý josparlanýda.
Aıta keter bolsaq, elordada 12-13 qazan aralyǵynda jyl saıynǵy Digital Bridge 2023 halyqaralyq IT forýmy ótýde. Sonymen qatar forýmda «Qazaqstan Project Management Awards – 2023» jobalardy basqarý ulttyq baıqaýynyń qorytyndysy shyǵarylady. Memlekettik korporasıanyń strategıa jáne jobalardy basqarý qyzmeti «2023 jyldyń úzdik jobalyq keńsesi» nomınasıasynda usynylǵan. «Memlekettik basqarý júıesin jetildirý boıynsha úzdik joba» arnaıy nomınasıasyna «eOtinish» -ótinishterdi qabyldaýdyń avtomattandyrylǵan platformasy» jobasy usynyldy. Memlekettik korporasıanyń qatysýshylary sarapshylarǵa ózderiniń prezentasıalary men beınebaıandaryn usyndy. Marapattaý rásimi 13 qazanda Kongres-ortalyqta ótedi.