Ótken jyldyń kúzinde áskerge shaqyrylǵan júzge jýyq sarbaz D-6 parashútimen alǵashqy sekirýlerin oryndady.
Áskerı qyzmetshi sekirýge psıhıkalyq jáne dene daıyndyǵy turǵysynan daıyn bolǵan kezde ǵana ruqsat beriledi. Bul rette batyldyq, qıyn jaǵdaıda tez sheshim qabyldaý men áreket etý qabileti ǵana emes, odan bólek kúsh-qýat daıyndyǵy da aıtarlyqtaı mańyzdy oryn alady, dep habarlaıdy almaty-akshamy.kz.
Sondyqtan parashútpen alǵashqy sekirýden buryn jerde kóptegen jattyǵýlar jasaldy. Parashútpen sekirýdiń barlyq elementteri muqıat oryndalyp, jetik pysyqtaldy.
– Parashútpen sekirý – desantshylardy jaýyngerlik daıarlaýdyń negizgi elementi jáne áýe-desanttyq daıarlyqtyń eń kúrdeli ári jaýapty kezeńderiniń biri. Sarbazdar jarady, barlyǵy tapsyrmany múltiksiz oryndap shyqty, – dedi áýe desanty daıarlyǵy bóliminiń aǵa ofıseri maıor Qaırat Chalımbekov.
Parashútpen sekirý Mı-17 tikushaǵynan 800 metr bıiktikten júzege asyryldy. Aspannan quldılaý tájirıbesi jas desantshylarǵa umytylmas áser qaldyrdy, eń bastysy, olar ózderine degen senimdilikti arttyrdy.