Májilis depýtaty Aıdos Sarym Qazaqstandaǵy shekara zastavalarynyń qurylysyna qatysty túıtkildi máselelerdi kóterdi, dep habarlaıdy almaty-akshamy.kz.
– Qazaqstan Respýblıkasynyń aýmaqtyq qaýipsizdigin qamtamasyz etý maqsatynda 50 shekara zastavasynyń qurylysy josparlanǵan bolatyn. 2022 jyly «Kapıtal Konstrakshn» JSHS jáne «TOLAǴAI-2050» JSHS merdigerlerimen jalpy somasy 53 894 mln teńgege 20 shekara zastavasynyń qurylysy boıynsha jumystardy satyp alýǵa tender jarıalanyp, kelisim-sharttar jasaldy. Jasalǵan kelisim boıynsha «TOLAGAI-2050» JSHS 2023 jyldyń 31 jeltoqsanyna deıin 40 350 mln teńge somasyna 15 shekara zastavasyn salýy tıis bolatyn. Alaıda, joǵaryda atalǵan kelisim boıynsha merzimderdi óreskel buzýlar bar. Sonymen qatar, atqarylyp jatqan jumystardyń sapasyna qatysty da shaǵymdar bar», – dedi Aıdos Sarym Májilistiń jalpy otyrysynda joldaǵan depýtattyq saýalynda.
Depýtattyń qolynda bar málimetke súıensek, aǵymdaǵy jyldyń 1 qazanyndaǵy jaǵdaı boıynsha «TOLAGAI-2050» JSHS bar bolǵany 13 960 mıllıon teńgeni nemese jalpy kelisim-shart somasynyń 35 paıyzyn ıgergen. Atalǵan nysandar boıynsha «TOLAGAI-2050» JSHS kelisimshart merzimin taǵy 9 aıǵa uzartýdy suraıdy, bul joba qunynyń aıtarlyqtaı ósýine ákelýi múmkin.
– Almaty qalasy men Pavlodar oblysyndaǵy ırrıgasıalyq jelilerdi qaıta jańǵyrtý, Saıram sý qoımasyn mehanıkalyq tazalaý jáne t.b. jobalarda «TOLAGAI-2050» JSHS kompanıasynyń ataýy bir emes, birneshe ret jaǵymsyz túrde jarıalandy. Kompanıa 80-nen astam azamattyq jáne ákimshilik is júrgizýge qatysty, onyń 10-nan astamy 2023 jyly bolǵan, sonyń ishinde memlekettik satyp alýdyń josyqsyz qatysýshysy dep taný. Bul rette, atalǵan jobanyń tapsyrysshysy bolyp tabylatyn Qazaqstan Respýblıkasy Kólik mınıstrliginiń Avtomobıl joldary komıteti buǵan tolyq zańdy negizge ıe bola otyryp, áli kúnge deıin kelisimshartty buzý týraly sheshim qabyldaǵan joq, - dep atap ótti májilis depýtaty.
Ol Qazaqstan Respýblıkasy Azamattyq kodeksiniń 627-babynda: «Eger merdiger shartty oryndaýǵa ýaqtyly kirispese nemese jumysty merziminde aıaqtaý anyq múmkin bolmaıtyndaı baıaý oryndasa, tapsyrys berýshiniń sharttan bas tartýǵa jáne zalaldardy óteýdi talap etýge quqyly.
– 2022 jyldyń 3 aqpanyna deıin bul kompanıanyń quryltaıshylarynyń tiziminde qazir qaıtys bolǵan Bolat Nazarbaevtyń qyzy Nazarbaeva Aqbota bolǵanyn aıta keteıik. Shekara zastavalaryn salý elimizdiń aýmaqtyq qorǵanysyn qamtamasyz etýdiń negizgi bólikteriniń biri ekenin erekshe atap ótkimiz keledi. Qurylys merzimin saqtamaý eldiń aýmaqtyq tutastyǵyn buzý, esirtki jáne basqa da tyıym salynǵan ónimderdiń zańsyz aınalymy, jeke tulǵalardyń Qazaqstan Respýblıkasynyń aýmaǵyna zańsyz ótýi qaýpiniń artýyna ákelýi múmkin. Osyǵan baılanysty, atalǵan joba boıynsha «TOLAGAI-2050» JSHS-ne tekserý júrgizip, Qazaqstan Respýblıkasynyń qoldanystaǵy zańnamasyna sáıkes qajetti sharalardy qabyldaýyńyzdy suraımyz, - dedi A.Sarym.