Sanıtarlyq-epıdemıologıalyq qyzmettiń (SEQ) jumysy kúsheıtilgen rejımge aýystyryldy.
Qazaqstanda sý tasqynyna tán ınfeksıalar boıynsha epıdemıologıalyq jaǵdaı turaqty, dep habarlaıdy Almaty-akshamy.kz QR Densaýlyq saqtaý mınıstrligine silteme jasap.
Juqpaly aýrýlardyń aldyn alý maqsatynda SEQ aýyz sýmen qamtamasyz etýdi baqylaýdy kúsheıtti. Sý tasqyny bastalǵaly beri 4 myńnan astam aýyz sý synamasy alynyp, sanıtarlyq-hımıalyq jáne mıkrobıologıalyq kórsetkishteri boıynsha tekserildi.
Sýdyń sapasy men qaýipsizdigine zerthanalyq baqylaý nátıjeleri boıynsha juqpaly aýrýlardyń sý arqyly taralý qaýpi joq.
Sý tasqyny kezinde profılaktıkalyq jáne epıdemıaǵa qarsy is-sharalardy júrgizý jáne sý basqan ýchaskelerde asa qaýipti juqpaly aýrýlardyń taralýyna jol bermeý máseleleri boıynsha uıymdastyrý-ádistemelik kómek kórsetý úshin óńirlerge Qoǵamdyq densaýlyq saqtaý ulttyq ortalyǵynyń mamandary jiberildi.
Óńirlerde sanıtarlyq-epıdemıologıalyq salaýattylyqty qamtamasyz etý jumystary jalǵasýda.