Qazaqstannyń tórt óńirinde patogendik zerthana salý úshin keminde 7,7 mlrd teńge qarajat kerek
QR Densaýlyq saqtaý mınıstrligi SHQO, Túrkistan, Atyraý oblystary men Nur-Sultan qalasynda İİ sanattaǵy patogendik zerthana salýdy usynyp otyr. Ol úshin keminde 7,7 mlrd teńge qajet, dep habarlaıdy Almaty-akshamy.kz QazAqparat saıtyna silteme jasap.
Bul usynysty «Qazaqstan Respýblıkasynyń bıologıalyq qaýipsizdigi týraly» zań jobasyn Májilis depýtattarynyń aldynda tanystyrǵan QR Densaýlyq saqtaý vıse-mınıstri – Bas sanıtar dáriger Erlan Qıasov kóterdi.
«Zań jobasy aıasynda qolda bar zerthanalyq bazany qosymsha jaraqtandyrýǵa jáne jetildirýge (5,5 mlrd. teńge), fızıkalyq qorǵanysty jetildirýge (0,4 mlrd. teńge), ımýndyq-bıologıalyq preparattardy GMP talaptary boıynsha shyǵarý jónindegi ǵımarat salýǵa (7,7 mlrd teńge), sondaı-aq SHQO, Túrkistan, Atyraý oblystarynda jáne Nur-Sultan qalasynda patogendigi II sanattaǵy mıkroorganızmdermen jumysty júzege asyratyn 4 zerthana salýǵa jobalyq-smetalyq qujattama ázirleýge (0,3 mlrd teńge) búdjetten 14,4 mlrd teńge jumsaý kózdelgen», - dedi Erlan Qıasov.
Onyń aıtýynsha, bıoqaýipsizdik salasyndaǵy biryńǵaı memlekettik aqparattyq júıe qurý úshin 200 mln teńge kerek. Al mıkroorganızmder koleksıasyn ustaýǵa 400 mln teńge bólý usynylyp otyr.