Qyzylshaǵa qarsy vaksına qaýipsiz.
Bul týraly Densaýlyq saqtaý mınıstri Ajar Ǵınıat málim etti, dep habarlaıdy Almaty-akshamy.kz.
«Jalpy, halyq tarapynan senim bar. 10 aıdyń ishinde josparly vaksınasıalaýǵa kelmegenderdiń paıyzy az, 10 paıyz ǵana. Olar shyndyǵyna kelgende antıvakserler dep atalatyn keıbir sarapshylarǵa qulaq asatyn adamdar. Dinı nanym-senimine baılanysty bas tartatyn adamdar da kezdesedi», - dedi mınıstr Ortalyq komýnıkasıalar qyzmetindegi brıfıńte.
Onyń atap ótýinshe, qazirgi ýaqytta elimizde kishkentaı balalardyń arasynda qyzylsha órship tur. Sondyqtan mınıstrlik halyq arasynda túsindirý jumysyn kúsheıtip otyr.
«Bul jumysty ózimnen bastadym. Vaksına qaýipsiz, tıimdi, oǵan senýge bolatynyn úlgi retinde kórsetý úshin 5 jastaǵy nemeremdi emhanaǵa aparyp, vaksına saldyrdym», - dedi Ajar Ǵınıat.