Densaýlyq saqtaý mınıstri Ajar Ǵınıat búgin Almatyǵa jumys sapary barysynda qalalyq jedel járdem aýrýhanasynda emdelip jatqan iri órt kezinde zardap shegýshige bardy. Pasıent turaqty kúıde, oǵan barlyq qajetti medısınalyq kómek kórsetiledi.
Budan ári vedomstvo basshysy táýlik boıy jáne kúndizgi stasıonardyń 500 –den astam tósegine eseptelgen ortalyq qalalyq klınıkalyq aýrýhananyń jumysymen tanysty, onyń ishinde 20 beıin boıynsha 24 klınıkalyq bólimshe jumys isteıdi, dep habarlaıdy Almaty-akshamy.kz.
Densaýlyq saqtaý mınıstrligi saıtynyń habarlaýynsha, OQKA bazasynda A. Ǵınıat megapolıstiń stasıonarlary men emhanalarynyń bas dárigerlerimen kezdesý ótkizdi, onda medısınalyq kómek kórsetý sapasy, kadrlarmen qamtamasyz etý, medısınalyq kómekti uıymdastyrý standarttaryn saqtaý, sondaı-aq klınıkalyq hattamalardyń usynymdary boıynsha birqatar ózekti máseleler talqylandy.
Mınıstr medısınalyq kómektiń qoljetimdiligin men sapasyn arttyrý jáne Almaty qalasy halqynyń qanaǵattaný deńgeıin arttyrý jónindegi keshendi jospardy ázirleý qajettigin aıtty, osy baǵyttyń sheńberinde ol osy jerde jáne qazir ótinishterdi sheshý maqsatynda kadr quramyn teksere otyryp, pasıentterdi qoldaý qyzmetteriniń jumysyn jandandyrýdy tapsyrdy.
Kadrlyq jumys bóliginde jas mamandardyń biliktiligin úzdiksiz arttyrýmen aınalysý, beıindi ǵylymı ortalyqtarmen ózara is-qımyldy kúsheıtý, ádisnamalyq jáne praktıkalyq kómek bóliginde usynyldy.
Dárigerlermen dıalog barysynda mınıstr farmasevtıkalyq qyzmetterdiń tıisti sapasyn qamtamasyz etý, dárilik preparattar men medısınalyq buıymdardy utymdy qoldanýdy qamtamasyz etý maqsatynda menshik nysanyna qaramastan, tıisti dárihanalyq praktıka standarttaryn engizýdiń mańyzdylyǵyn atap ótti.
Qyzylsha boıynsha kúrdeli epıdemılogıalyq jaǵdaıdy eskere otyryp, mınıstr Almaty qalasynyń balalar halqynyń gepatıt, kókjótel, polıemelıt sıaqty aýrýlar boıynsha egý mártebesine monıtorıń júrgizýdi tapsyrdy.
Sodan keıin klınıkalyq aýrýhana qabyrǵasynda mınıstrdiń ÚEU ókilderimen kezdesýi jalǵasty, onda ol azamattyq belsendilerdiń kóptegen suraqtaryna jaýap berdi.
Densaýlyq saqtaý mınıstrliginiń basshysy osy baǵyttaǵy vedomstvoaralyq ózara is-qımyldyń jetkiliksizdigi týraly synǵa jaýap bere otyryp, múmkindigi shekteýli balalarǵa keshendi medısınalyq kómekti jetildirý máselelerin oryndaý boıynsha túsinikteme berdi.
Qoǵam belsendileri orfandyq aýrýlary bar pasıentterdiń tizilimin qurý máselelerin kóterdi, ambýlatorıalyq dári-dármekpen qamtamasyz etý tizbesin qaıta qaraý qajettiligi, pallıatıvtik kómek sapasy týraly aıtty.
A. Ǵınıat ár suraqqa tolyq jaýap berdi, keıbir júıelik máseleler boıynsha qurylymdyq bólimshelerge taldaý jasaýdy jáne olardy sheshý úshin sharalar usynýdy tapsyrdy.
Mınıstr qala turǵyndarymen kezdesýde sóılegen sózinde qala deńgeıinde densaýlyq saqtaýdy damytýdyń negizgi baǵyttary boıynsha qol jetkizilgen nátıjeler týraly aıtty. Medısınalyq-sanıtarıalyq alǵashqy kómekti Almatynyń 2,2 mln. turǵyny 75 MSAK uıymynda alady, onyń 77%-y 40 memlekettik emhanada jáne 22%-y 33 jeke klınıkada, barlyǵy 1%-y eki vedimistik uıymda qyzmet kórsetedi. Emhanalarda dınamıkalyq baqylaýda 200 myńǵa jýyq adam tur, onyń ishinde 59 myń pasıent aýrýlardy basqarý baǵdarlamalaryna qatysady.
Júrek aýrýy bar pasıentterge beıindi kómek kórsetý úshin Almaty qalasynda 332 kardıohırýrgıalyq tósek, onyń ishinde 281 eresek jáne 51 bala, 581 kardıologıalyq tósek, onyń ishinde 563 eresek jáne 18 bala, 73 ıntervensıalyq kardıologıalyq tósek ornalastyryldy.
Almaty qalasynda 6 TKA-ortalyq jumys isteıdi: 3 úshinshi deńgeı - qalalyq kardıologıalyq ortalyq, ortalyq klınıkalyq aýrýhana, «Hırýrgıa ınstıtýty» JSHS MEDITTERA klınıkasy. Aǵymdaǵy jyldyń qańtar-qyrkúıek aılarynda qala turǵyndaryna 1 785 ashyq júrekke operasıa jasaldy, onyń 580-i (32,5%) – aortokoronarlyq shýnttaý, 584-i (32,7%) - júre paıda bolǵan júrek aqaýlary kezindegi operasıalar, 247-i (13,8%) - týa bitken júrek aqaýlary kezindegi operasıalar.
Almaty qalasy boıynsha onkologıalyq syrqattanýshylyq qurylymynda birinshi orynda sút bezi obyry tur (14,5%), ekinshisinde – kolorektaldyq obyr (8,8%), úshinshisinde – ókpe obyry (5,8%). Esepte 31 196 onkologıalyq pasıent tur, bıylǵy jyly ósim 8,0%-ǵa artty.
Qaterli isikterden bolatyn ólim-jitim 2023 jyldyń 9 aıynda 3,6% - ǵa tómendedi. Ólimniń qurylymynda birinshi orynda - ókpe obyry (13,6%), ekinshi orynda – kolorektaldyq obyr (13,5%), úshinshi orynda - sút bezi obyry (11,2%).
Jaraqattardan ýlanýdan jáne jazataıym oqıǵalardan bolatyn ólim-jitim kórsetkishi boıynsha Almaty qalasy 100 myń turǵynǵa shaqqanda 31,8 kórsetkishi bar «jasyl» aımaqta qalady.
QR DSM SHMÚUO derekteri boıynsha jaraqattar men jazataıym oqıǵalardyń barlyq túrleri boıynsha shaqyrýlar sany 2023 jyldyń 9 aıynda 102 360 ( 2022j. – 89 404), ósim 14%-dy qurady. Qala boıynsha JKO ornyna jetýdiń ortasha ýaqyty 10 mınýtty qurady. Travmatologıadaǵy hırýrgıalyq belsendilik qala boıynsha 89,4%-dy qurady, bul ortasha respýblıkalyq kórsetkishten 17,3% - ǵa joǵary.
Jurtshylyq ókilderin jeke klınıkalardaǵy medısınalyq qyzmet kórsetýdiń qaýipsizdigi, ambýlatorıalyq dári-dármekpen qamtamasyz etý tizimindegi preparattardyń sapasy, qyzylshamen syrqattanýshylyqtyń ósý sebepteri jáne halyqty ınfeksıalardan ımmýnızasıalaýdy kúsheıtý jónindegi sharalar tolǵandyrdy.
Kezdesý barysynda vedomstvo basshysy óńir turǵyndarynyń, belsendileriniń suraqtary men ótinishterine tolyq jaýap berdi.
Sodan keıin mınıstr azamattardyń jeke qabyldaýyn ótkizdi, onda balalarǵa medısınalyq kómek kórsetýge, atap aıtqanda estý apparatyn ımplantattaý operasıasyn júrgizýge, múgedektigi bar adamdar úshin konsýltasıalyq-dıagnostıkalyq qyzmetterdiń qoljetimdiligine, qalanyń stomatologıalyq klınıkalarynyń jumysyna shaǵymdar jáne t.b. qatysty ótinishter qaraldy.
Densaýlyq saqtaý mınıstrliginiń basshysy árbir ótinish boıynsha egjeı-tegjeıli túsinikteme berdi, keıbir kúrdeli jaǵdaılardy taldap, beıindi departamentterdiń basshylaryna, jergilikti atqarýshy organdardyń mamandaryna kómektesýdi tapsyrdy.
Budan ári A. Ǵınıat brıfıń barysynda jergilikti jáne respýblıkalyq BAQ jýrnalıseriniń suraqtaryna jaýap berdi, onda densaýlyq saqtaý salasyndaǵy iske asyrylyp jatqan jobalar jáne eldegi medısınalyq kómekti jaqsartý jónindegi vedomstvonyń mindetteri týraly aıtty. Máselen, qalalyq aýrýhanalardyń kóptigi týraly suraqqa vedomstvo basshysy Alataý aýdanynda 500 tósektik perınataldyq ortalyǵy bar kópbeıindi aýrýhana salý, zamanaýı jabdyqtarmen jaraqtandyrylatyn jańa onkologıalyq ortalyq salý jónindegi ákimdiktiń josparlary týraly aıtyp berdi. Kelesi jyly mınıstrdiń aıtýynsha, ınfeksıalyq aýrýlar jónindegi úlken ǵylymı ortalyq paıdalanýǵa beriledi.
Sonymen birge Densaýlyq saqtaý mınıstri Almaty qalasynyń ákimi Erbolat Dosaevpen kezdesý ótkizdi, onyń barysynda olar elimizdiń iri megapolısiniń qoǵamdyq densaýlyq saqtaý qyzmetin damytýdyń negizgi baǵyttaryn talqylady.