Elde táýligine koronavırýs juqtyrýdyń on shaqty jaǵdaıy tirkeledi.
Bul týraly Densaýlyq saqtaý mınıstri Ajar Ǵınıat málimdedi, dep habarlaıdy Almaty-akshamy.kz
"Búginde elimizdiń barlyq óńirlerinde epıdemıologıalyq jaǵdaı turaqtaldy, táýligine koronavırýs ınfeksıasyn juqtyrýdyń shamamen on shaqty jaǵdaıy tirkeledi, naýqastardyń 98%-dan astamy saýyǵyp ketýde. Bıyl 24 qańtarda Vedomstvoaralyq komısıanyń otyrysynda karantındik sharalardy jeńildetý tásilderi qaralyp, maquldandy. Qazir elde barlyq shekteý sharalary alynǵan. Dúnıejúzilik densaýlyq saqtaý uıymynyń málimetteri boıynsha, sońǵy aptada búkil álemde aýrý 12%-ǵa tómendedi, biraq aýrýdyń ósýi Amerıka jáne Afrıka óńirlerinde baıqalady. Sonymen qatar, álemniń 97 elinde syrqattanýshylyq artýda, máselen, sońǵy aptada Armenıada syrqattanýshylyq 200%, Vengrıada 200% astam, Birikken Arab Ámirliginde 55%-ǵa, Japonıada 54%-ǵa, Sıngapýrda 37%-ǵa, Izraılde 15%-ǵa, Túrkıada 12%-ǵa ósti", - dedi mınıstr.
Onyń aıtýynsha, epıdemıologıalyq jaǵdaıdy kúndelikti boljaý jáne baǵalaý turaqty negizde jalǵasýda, jaǵdaı ýshyqqan kezde KVI-men aýyratyn naýqastarǵa medısınalyq kómek kórsetý úshin tósek-oryndar, ınfeksıalyq aýrýhanalar, emdeýge arnalǵan qarajat kólemi, dárilik zattar men medısınalyq buıymdar, jeke qorǵanys quraldary daıyn.