Buryn bulardy eńbektegen baladan eńkeıgen qarıaǵa deıin tutynatyn.
«Rossıa 1» arnasynyń «O samom glavnom» baǵdarlamasynyń efırinde dáriger ári telejúrgizýshi Aleksandr Másnıkov, óziniń oıynsha, umytylyp ketken bes keńestik «sýperfýdty» atady, dep habarlaıdy Almaty-akshamy.kz Lenta.ru saıtyna silteme jasap.
Másnıkov balyq maıyn qoldanýdy usynyp, onyń óte paıdaly ekenin atap ótti.
«Keńes Odaǵynda balabaqshadan, mektepten bastap: «Sen balyq maıyn ishesiń, al ishpeseń, biz seni májbúrleımiz» deıtin. Muny mindetti túrde ishkizetin », - deıdi dáriger.
Onyń aıtýynsha, balyq maıyn únemi qabyldaýdyń arqasynda adamnyń jalpy densaýlyǵy, ımýnıteti jáne este saqtaý qabileti jaqsarady.
Sondaı-aq, dáriger gematogendi de paıdaly keńestik «sýperfýdtarǵa» jatqyzdy.
«Bul jaı ǵana shokolad emes bolatyn. Munyń (gematogende – shamamen «Lenta.ru») quramynda qantpen birge sıyrdyń qany qosylǵan temir bar», - dedi ol.
Másnıkov gematogendi qoldanýdyń arqasynda qandaǵy gemoglobın deńgeıi kóterilip, sharshaý men álsizdik joıylatynyn aıtyp naqtylady.
«Buryn anemıasynyń bar-joǵyna qaramastan, barlyǵyna gematogen beriletin», - dep eske aldy dáriger.
Sonymen qatar, Másnıkov tamaqtanýǵa teńiz qyryqqabatyn qosýǵa keńes berdi. Dáriger bul ónimniń ıodtyń, kóp mólsherdegi vıtamınder men antıoksıdanttardyń kózi ekenin aıtty.
Dárigerdiń aıtýy boıynsha, keńes zamanynda kóp úıde kezdesetin «shaı sańyraýqulaǵy» da ımýnıtetti nyǵaıtady jáne asqazan-ishek joldary men júıke júıesiniń jumysyn jaqsartady.
Al alma sirke sýy, dárigerdiń túsindirgenindeı, salmaq tastaý jáne qaıyzǵaqpen kúresýge kómektesedi. Dáriger sonymen qatar bul ónimniń sýyq tıgen kezde qoldanylǵanyn eske aldy: naýqastyń denesin alma sirke sýymen súrtip, denesiniń qyzýyn tómendetken.