Quqymyzdy bile júreıik!
Mereke jáne demalys kúnderindegi jumysqa aqy tólenýi kerek.
Biraq ústeme jumystyń tólenýi nemese tólenbeýi ústeme jumysqa kimniń bastamashysy bolýynan týyndaıdy. Iaǵnı qyzmetker óz erkimen qalyp, jumysyn aıaqtap tastaýǵa sheshim qabyldady ma nemese jumys berýshi qyzmetkerlerine jumystan keıin qalyp, jumysty aıaqtap tastaýǵa buıyrdy ma soǵan baılanysty.
Qosymsha jumys ýaqyty degenimiz neshe saǵat?
Jumys ýaqytynan tys jumys isteýge ýaqyt boıynsha shekteýler bar. Qosymsha jumys saǵattarynyń sany:
árbir qyzmetker úshin kúnine eki saǵattan aspaýy kerek;
aýyr jumystar, eńbek jaǵdaılary zıandy jáne (nemese) qaýipti jumystar úshin eń uzaq qosymsha jumys ýaqyty bir saǵat;
aıyna tórt, bes jáne alty kúndik jumys aptasynda ústeme jumystyń jalpy uzaqtyǵy 12 saǵattan aspaýy kerek;
jylyna jalpy qosymsha jumys uzaqtyǵy 120 saǵattan aspaýy kerek.
Qosymsha jumys ýaqyty qalaı tólenedi?
Ýaqytsha eńbekaqy tóleý kezinde ústeme jumysqa eńbek nemese ujymdyq sharttyń jáne/nemese jumys berýshiniń buıryǵynyń talaptaryna sáıkes joǵarylatylǵan stavka boıynsha, biraq qyzmetkerdiń kúndizgi eńbekaqysy negizinde bir jarym eseden kem emes mólsherde tólenedi.
İstelgen jumysqa saı tólenetin aqy úshin qyzmetkerdiń belgilengen kúndik (saǵattyq) stavkasynyń keminde 50%-y mólsherinde qosymsha aqy tólenedi.
Demalys jáne mereke kúnderi jumys isteseńiz qalaı tólenedi?
Qosymsha aqsha tabýdyń taǵy bir múmkindigi - mereke jáne demalys kúnderi jumys isteý. Aptasyna alty kún jumys isteseńiz senbi demalys emes, jumys kúni ekenin eskergen jón.
Mereke jáne demalys kúnderindegi jumysqa aqy tólenedi. Shart eńbek nemese ujymdyq shartta nemese kásiporynnyń mereke jáne demalys kúnderindegi jumysyna qatysty jumys berýshiniń buıryǵynda kórsetilýi qajet. Lımıt – tólem qyzmetkerdiń kúndelikti (saǵattyq) tarıfine negizdelgen somadan bir jarym eseden tómen bolmaýy kerek.
Túnde jumys isteseńiz qalaı tólenýi kerek?
Túngi mezgildegi jumystyń ár saǵaty jumysshynyń kúndizgi (saǵattyq) aqysyna shaqqanda bir jarym eselik ólshemnen kem emes mólsherde beriledi.
Túrli biliktilik jumystaryn atqarǵan jumysshy jalaqysy áldeqaıda joǵary biliktilik jumysy boıynsha tólenedi.
Joǵary bilikti jumysshyǵa óndiris sıpatyna qaraı, oǵan berilgen razrádtan tómen jumys atqarý júktelse, jalaqy oǵan bekitilgen biliktilikke (razrádqa) qaraı tólenedi.
Bir uıymda óziniń negizgi qyzmetimen birge, eńbek kelisim-shartymen bekitilip, ornynda joq jumysshynyń qyzmetin nemese mindetin ózi qyzmetine ústeme retinde qosymsha atqarsa, ol jumysshaǵa ústeme aqy tólenedi.
Úılesimdi qyzmetke (qyzmet kórsetý zonasynyń keńeıýi) nemese ýaqytsha ornynda joq qyzmetkerdiń mindetin atqarýǵa tólenetin qosymsha aqynyń mólsheri jumysshynyń kelisimimen jumys berýshi arqyly bekitiledi.
Túngi jumys mereke nemese demalys kúnine sáıkes kelse, eńbekaqy túngi saǵattar úshin bólek jáne mereke nemese demalys kúni úshin bólek júrgiziledi.
Jumystaǵy qosymsha mindettemeler:
Bir uıymda negizgi jumysymen qatar qosymsha jumys atqaratyn qyzmetkerler bul úshin qosymsha aqy alýy tıis.
Qosymsha jumystyń qandaı túrleri bar?
laýazymdardy biriktirý – qyzmetker eńbek shartynda (laýazymdylyq nusqaýlyǵynda) kózdelgen óziniń negizgi jumysymen qatar basqa qyzmetkerdiń mindetterin qosymsha oryndasa;
qyzmet kórsetý aýqymyn keńeıtý – qyzmetker eńbek shartynda (laýazymdyq nusqaýlyqta) kózdelgen óziniń negizgi jumysymen qatar jumys kúniniń (aýysymynyń) belgilengen uzaqtyǵy ishinde qosymsha jumystardy oryndasa;
ýaqytsha bolmaǵan qyzmetkerdiń mindetterin oryndaý (aýystyrý) – qyzmetker óziniń eńbek shartynda (laýazymdyq nusqaýlyqta) kózdelgen negizgi jumysymen qatar basqa laýazymdaǵy qyzmetkerdiń qosymsha jumystaryn oryndasa.
Bul jaǵdaılarda qosymsha jumys úshin qosymsha aqy mólsherin jumys berýshi oryndaǵan jumys kólemine qaraı qyzmetkermen kelisim boıynsha belgileıdi.
Eskere ketetin jaıt: eger bul onyń laýazymdyq mindetterine kiretin bolsa, ýaqytsha bolmaǵan qyzmetkerdiń mindetterin oryndaǵany (aýystyrýy) úshin qyzmetkerlerge qosymsha aqy tólenbeıdi.
Ózge jaǵdaılarda qyzmetker qosymsha jumysty oryndaýdan bas tartýǵa quqyly, al jumys berýshi qosymsha jumys toqtatylǵanǵa deıin úsh jumys kúninen keshiktirmeı ekinshi tarapty habardar ete otyryp, ony oryndaý týraly buıryqtyń kúshin joıýǵa quqyly.
Jumys berýshi qaı ýaqytta az tóleýge quqyly?
Turalaý kezinde jalaqynyń tómendeýi múmkin.
ekonomıkalyq, tehnologıalyq, uıymdastyrýshylyq, ózge de óndiristik nemese tabıǵı sıpattaǵy sebepter boıynsha jumysty ýaqytsha toqtatý;
tótenshe nemese soǵys jaǵdaıy engizilgen jaǵdaılarda;
tótenshe jaǵdaıda nemese memlekettik organdardyń nemese olardyń laýazymdy adamdarynyń sheshimi boıynsha karantındi qosa alǵanda, basqa shekteý sharalary engizilgen kezde.