Ǵalymdar barlyq organ men júıeniń jaǵdaıy bizdiń uıqymyzǵa baılanysty ekenin dáleldedi.
Uıqyny demalys kúnderi qandyrýdy jón kórip, senbi-jeksenbi kúnderi kóbi túske deıin uıyqtaýdy jón kóredi. Degenmen dárigerler munyń adam ómirin qysqartady, dep habarlaıdy Almaty-akshamy.kz
Demalys kúnderi uzaq uıyqtaý kún tártibin buzyp, densaýlyqqa keri áserin tıgizetini belgili boldy. Dáriger Zýhra Pavlovanyń aıtýynsha, bul tujyrymǵa amerıkalyq ǵalymdar kelgen.
«Munyń bári sırkadıalyq rıtaqtardyń, bizdiń jaqsy jáne kóńildi kúıimizge jaýap beretin bıologıalyq saǵattarymyzdyń jumysy»,- deıdi endokrınolog.
AQSH ǵalymdary egeýquıryqqa tájirıbe jasaǵan. Olardy tamaqtandyrý tártibin ózgertip, kemirgishterdiń bir bóligi úshin jaryqty ádettegiden 6 saǵat buryn óshirgen.
Nátıjesinde, egeýquıryqtar uıqy kezinde qan qysymy tómendep, ınsýlt qaýpi artyp, oǵan qosa ómir súrý uzaqtyǵy da azaıǵan.
«Osyndaı jańalyqtan keıin demalys kezinde ádettegi kún tártibin ózgertý kerek pe dep taǵy 10 ret oılaný kerek», - deıdi Zýhra Pavlova.
Mundaı uıqy tártibi áıeldiń densaýlyǵyna qaýip tóndiredi
Túngi aýysymda jumys isteıtin adamnyń bıologıalyq saǵaty isten shyǵýy múmkin. Bul "domıno effektisin" jáne aǵzadaǵy mańyzdy júıe buzylýlaryna alyp keledi. Mysaly:
uıqy máselesi;
psıhıkalyq densaýlyq máselesi;
júrek aýrýlary;
semizdik;
qant dıabeti;
onkologıa.
Sonymen ǵalymdar adamnyń uıyqtaý ýaqyty 9 -10 saǵattan aspaýy kerek dep sanaıdy. Ýaqytyly uıyqtaǵan adamnyń jany saý, júıkesi tynysh bolady.