Aýa raıy turaqsyz bolmaq.
«Qazgıdromet» RMK Qazaqstandaǵy 20-22 qarashaǵa arnalǵan aýa raıy boljamyn usyndy, dep habarlaıdy Almaty-akshamy.kz
Boljam boıynsha, 20-21 qarashada soltústik-batys sýyq antısıklon respýblıkanyń shyǵys bóliginde óz áserin saqtaıdy, jaýyn-shashyn kútilmeıdi. Al, elimizdiń batys bóligi kelesi atlantıkalyq sıklonnyń yqpalynda bolady, onymen turaqsyz aýa raıy saqtalady.
22 qarashada respýblıkanyń basym bóliginde qar, kóktaıǵaq, ekpindi jel kútiledi, soltústik bóliginde burqasyn bolady.
«Batysta aýanyń negizgi fondyq temperatýrasy túnde 2 -5 gradýs aıaz, kúndiz 0-10 gradýs jyly bolady. Soltústik-batysta, respýblıkanyń soltústiginde túnde 6-16 gradýs aıaz, kúndiz 0-9 aıaz, shyǵysta jáne keı jerlerde aıazdyń beti qaıtyp, aýa temperatýrasynyń joǵarylaýy kútiledi», - delingen habarlamada.