Elimizde kómir máselesi ózektiligin joıǵan joq.
Deldaldar kómirdi saýda kezinde 100%-ǵa deıin jetetin aqy qosyp satady, dep habarlaıdy Almaty-akshamy.kz
Básekelestikti qorǵaý jáne damytý agenttiginiń málimetinshe, kómir óndirýshi kompanıalar bırjalyq saýda-sattyqty paıdalanady. Onda iri kólemde (3 mln tonnaǵa deıin nemese jyldyq jóneltilim kóleminiń 71% deıin) birneshe jyl ishinde ózgermeıtin, shekteýli jetkizýshilerge (2-den 17-ge deıin) birneshe mınýt ishinde satylyp ketedi.
Atalmysh mámileler, jumys tólemmen de, tıisti jóneltý jolymen de qamtylmaıdy, sondaı-aq mundaı deldaldarda arnaıy ınfraqurylym (qoımalar, tıeý-túsirý tehnıkasy jáne t.b.) bolmaıdy. Deldaldar kómirdi saýda kezinde 100%-ǵa deıin jetetin aqy qosyp satady.
Mysaly, 2022 jylǵy jeltoqsanda «Halyq Kómir» JSHS «Qarajyra» AQ-nyń «Kaspıı «TB» AQ taýar bırjasy arqyly 120 myń tonna kóleminde kómirdi ortasha ólshengen baǵasy - 6500 tg/tn boıynsha satyp alyp, 12 595 tg/tn úshin qaıta satýdy júzege asyrǵan.
“Osyǵan baılanysty, QR Básekelestikti qorǵaý jáne damytý agenttigi (BQDA) kómir naryǵyndaǵy básekelestikti damytý jónindegi Jol kartasyn qabyldady. Onda bırjalyq saýda-sattyq úlesin 50% - ǵa deıin ulǵaıtý kózdelgen. Mundaı mólsherdegi taýar deldaldarǵa emes, tikeleı tıisti ınfraqurylymy bar kómir óndirýshilerine satylady. Sondaı-aq, iri bızneske baǵdarlanǵan jáne deldaldarǵa kómir ótkizýdi qamtamasyz etetin «yńǵaıly» bırjalaryn joıý maqsatynda BQDA bırjalyq saýdamen aınalysýǵa arnalǵan lısenzıadan aıyrý boıynsha jumys júrgizýde”, – delingen habarlamada.
Osylaısha, taýar bırjalary týraly zańnamanyń buzylýyna baılanysty BQDA ákimshilik quqyq buzýshylyq týraly 19 is qozǵaldy, 6 taýar bırjasy óz qyzmetin toqtatty, onyń 4-i tekserý aldynda erikti negizde jáne 2-i sot sheshimi boıynsha jumysyn toqtatty.