Mańyzdy úndeý.
Dúnıejúzilik densaýlyq saqtaý uıymy álemniń eń bedeldi 20 kóshbasshysyn qazanǵa deıin pandemıa tolqynyn toqtatý úshin koronavırýs ınfeksıasyna qarsy vaksınaǵa qoljetimdilikte teńsizdikti joıýǵa shaqyrdy, dep habarlaıdy Almaty.tv saıtyna silteme jasap.
Act Accelerator COVID-19-ben kúresý quraldaryna qoljetimdilikti jedeldetý bastamasynyń jetekshisi Brús Eılvard koronavırýs ınfeksıasyna qarsy vaksınalarǵa qoljetimdiliktiń teńsizdigin «uıat» dep atady jáne saıası kóshbasshylar men bıznes-magnattardy kedeı elderdi vaksınamen qamtýǵa shaqyrdy.
Dálirek aıtsaq, ol álemniń eń yqpaldy 20 kóshbasshysyn qyrkúıek aıynyń sońyna deıin teńsizdik máselesin sheship, álemniń ár elindegi halyqtyń 10 paıyzyn vaksınasıalaýǵa shaqyrdy.
AFP baǵalaýy boıynsha, búkil álemde shamamen 4,5 mıllıard vaksına dozasy qoldanylǵan. Halyqaralyq banktiń málimetterine sáıkes, kirisi joǵary elderde 100 adamǵa shaqqandaǵy doza sany 104-ti quraıdy, al kirisi tómen 29 elde 100 adamǵa eki dozadan keledi.