Tabysy tómen elderdiń 1 mıllıardqa jýyq turǵyny áli vaksınasıalanbaǵan.
Dúnıejúzilik densaýlyq saqtaý assambleıasynda sóz sóılegen Dúnıejúzilik densaýlyq saqtaý uıymynyń (DDSU) bas dırektory Tedros Adhanom Gebreıýs COVID-19 vırýsynyń qaýiptiligi týraly eske saldy, dep habarlaıdy Almaty-akshamy.kz
Onyń aıtýynsha, koronavırýstyq ınfeksıanyń pandemıasy tirkelgen jaǵdaılardyń azaıýyna qaramastan áli aıaqtalmaǵan.
«Biz qyraǵylyqty óz táýekelimizben tómendetemiz. Testileýden jáne sekvenırleýden bas tartý vırýstyń evolúsıasyn baıqamaıtynymyzdy bildiredi», -dedi DDU basshysy.
Ol tabysy tómen elderdiń 1 mıllıardqa jýyq turǵyny kovıdke qarsy áli kúnge deıin vaksınasıalanbaǵanyn atap ótti.
«Tirkelgen jaǵdaılar testileý kórsetkishteri tómendegen barlyq aımaqtardaǵy 70-ke jýyq elde artyp keledi», - dedi ol.
Esterińizge sala keteıik, qazirgi ýaqytta álemde maımyldar sheshegin juqtyrý jaǵdaılarynyń sany artyp keledi. Maımyl sheshegi tirkelgen elderdiń sany 15-ke jetti. Ólim jaǵdaılary tirkelgen joq.