Infeksıanyń saldarynan 5,2 myń adam qaıtys boldy.
Dúnıejúzilik densaýlyq saqtaý uıymynyń basshysy Tedros Adhanom Gebreıesýs sársenbide Qytaıdaǵy indettiń jańa tolqynyna alańdaýshylyq bildirdi jáne el bıligin halyqtyń osal toptaryn vaksınasıalaýdy jedeldetýge shaqyrdy, dep habarlaıdy Almaty-akshamy.kz Inbusiness.kz cilteme jasap.
"DDU-da Qytaıdaǵy jaǵdaıdyń órshýi, aýrýdyń aýyr jaǵdaılary týraly derekterdiń kóbeıýi úlken alańdaýshylyq týdyryp, talqyǵa salynǵan másele boldy", - dedi Gebreıesýs.
2020 jyldan bastap qytaı bıligi Covid-19-ǵa qarsy "nóldik tózimdilik" saıasatyn ustandy: vırýstyń taralýyn shekteý úshin lokdaýndar men juqtyrǵan adamdarmen baılanysta bolǵandar úshin mindetti karantın qoldanyldy.
Osy jyldyń kókteminde Gebreıesýs bul saıasatty synǵa alyp, Qytaı sarapshylarymen "vırýs týraly jańa aqparatty eskere otyryp, basqasha kózqaras" qajettiligin talqylaǵanyn aıtty. Aspan asty eli bıligi "Qytaıdyń aldyn alý jáne kúresý sharalary ǵylymı dáleldengen ári tıimdi" dep DDU basshysynyń málimdemesin jaýapsyz qaldyrdy.
Alaıda, jeltoqsan aıynyń basynda Qytaı bıligi indettiń taralýyn boldyrmaý úshin qabyldanǵan birqatar shekteýlerdi alyp tastady.