Koronavırýs juqtyrǵandar sany 20 mıllıonnan asqan memleketter qataryna AQSH, Úndistan jáne Brazılıa kiredi. Sonyń ishinde, AQSH vırýs juqtyrǵandar men qaıtys bolǵandar sany boıynsha áli kósh basynda tur.
DDU-nyń dereginshe, álem boıynsha qańtardyń tek sońǵy aptasynda tirkelgender sany 22 mln-nan asqan. Bul jalpy pandemıa kezindegi juqtyrý sany boıynsha eń joǵary kórsetkish bolyp otyr. Al aqpan aıynan bastap koronavırýs ınfeksıasyn juqtyrǵandar sanynyń tómendegeni baıqalǵan.
Jappaı vaksınalaý Eýropa elderine birqatar koronavırýstyq shekteýdi alyp tastaýǵa múmkindik berýde. Sonyń ishinde, Aýstrıa, Shveısarıa jáne Germanıa memleketteri shekteý sharalaryn jeńildetýdi josparlap otyr. Al Ulybrıtanıada koronavırýspen aýrýhanaǵa túsken naýqastar sany azaıyp keledi.
Halqynyń kópshiligi vaksınalanǵan Eýropa elderi qatań koronavırýs shekteýlerinen bas tartýǵa sheshim qabyldady. 17 aqpannan bastap Shveısarıada dúkenge, teatrǵa nemese meıramhanaǵa medısınalyq maskasyz kirýge bolady. Betperde taǵý talaby qoǵamdyq kólikterde, sondaı-aq bankterde, sýpermarketterde, dárihanalarda jáne poshta bólimshelerinde qoldanylady. Basqa jerlerde bul tek usynys retinde qalady. Sondaı-aq bul elde búginnen bastap «kovıd kýáligi» talap etilmeıdi. Alaıda, bılik bul erejeler kúzde sýyq tıý maýsymynda qaıtadan kúshine enýi ábden múmkin ekenin eskertedi.
Germanıa koronavırýsqa qarsy shekteý sharalaryn kezeń-kezeńimen alyp tastaýǵa daıyndalýda. Shekteýlerdiń kópshiligi shamamen bir aıdan keıin, ıaǵnı 20 naýryzda joıylady dep josparlanyp otyr. Elde negizgi erejeler mindetti bolyp qalady. Olar - betperde kıý, áleýmettik qashyqtyqty saqtaý erejeleri. Alaıda, buqaralyq is-sharalar, sonyń ishinde fýtbol machtary, konsertter jáne dostarmen kezdesý sıaqty jıyndarǵa jınalatyn adamdar sanyna shekteý qoıylmaıdy. Qazirgi tańda bul elde kezdesý jıyndarǵa maksımaldy 10 adam jınalýyna ruqsat berilgen.
Aýstrıada barlyq shekteý sharasy 5 naýryzdan bastap alyp tastaý josparlanyp otyr. Túnde kafeler men meıramhanalardyń jumysyna tyıym salynbaıdy, qoǵamdyq oryndarda tamaqtana berýge bolady. Komendanttyq saǵat ta alyp tastalady. Betperde taǵý talaby qoǵamdyq kólikterde, sondaı-aq bankterde, sýpermarketterde, dárihanalarda jáne poshta bólimshelerinde qoldanylady.
AQSH-tyń densaýlyq saqtaý uıymy «omıkron» shtamymen baılanysty jaǵdaılar sany azaıyp jatqandyqtan, COVID-19 pandemıasynyń kelesi kezeńine daıyndalyp jatyr. Agenttiktiń málimetinshe, mundaı sheshim AQSH-tyń kóptegen shtattary COVID-19 shekteýlerin jeńildete bastaǵannan keıin qabyldanǵan. CDC málimetteri boıynsha, koronavırýs juqtyrý deregi aldyńǵy aptamen salystyrǵanda 40%-ǵa, aýrýhanaǵa túskenderdiń ortasha sany 28%-ǵa, al qaıtys bolǵandardyń ortasha sany 9%-ǵa tómendegen.
Ulybrıtanıada da koronavırýspen aýrýhanaǵa túsken naýqastar sany azaıǵan. Sońǵy 24 saǵatta 54,000-nan astam jańa jaǵdaı tirkelgen, bul ótken aptamen salystyrǵanda 13%-ǵa az. Bul elde úkimet qosymsha sharalar engizýdi qarastyrmaıdy.
Afrıka elderi koronavırýsqa qarsy 29 mıllıon doza vaksına alady. Kontınenttegi koronavırýstyq daǵdarys problemasyn EO elderiniń basshylary EO-Afrıka samıtinde egjeı-tegjeıli talqylaıdy. Osylaısha, olar álemde vaksınalaý deńgeıin arttyryp, elderge pandemıadan aman qalýǵa kómektesýdi josparlap otyr.
Izraılde koronavırýs tólqujattaryn joıý týraly sheshim qabyldandy. Aqpan aıynyń basynda Izraıl úkimeti koronavırýs aýrýynyń tómendeýi aıasynda kóptegen karantındik shekteýlerdiń joıylýyn qoldady. Izraılde karantın shekteýleriniń kópshiligi joıyldy. Endi el 1 naýryzdan bastap COVID-tólqujattaryn qoldanýdy toqtatady.