İndettiń beti qaıtyp jatyr
Dúnıejúzilik densaýlyq saqtaý uıymy (DDU) taratqan málimetke saı, vırýs juqtyrý jańa oqıǵalarynyń sany aldyńǵy aptamen salystyrǵanda 2 paıyzǵa, al odan bolǵan ólim oqıǵalary 9 paıyzǵa qysqardy, dep habarlaıdy Almaty-akshamy.kz Soronavirus2020.kz saıtyna silteme jasap.
Ótken aptanyń ishinde álem boıynsha 4,1 mln astam adam koronavırýs juqtyryp, 44 myńnan astamy qaıtys boldy.
DDU-nyń apta saıynǵy epıdemıologıalyq búlleteninde keltirilgen statısıkalyq málimet boıynsha, 13-19 jeltoqsan aralyǵynda qaýipti vırýs juqtyrǵan 4 177 622 adam anyqtalyp, 44 616 ólim oqıǵasy anyqtaldy. Bul aldyńǵy aptaǵa qaraǵanda, tıisinshe 2 jáne 9 paıyzǵa az.
Sonymen birge, Afrıkada koronavırýs juqtyrýdyń (53 paıyz) jáne odan bolǵan ólim oqıǵalary sanynyń (15 paıyz) aıtarlyqtaı ósimi tirkeldi. Afrıkadan basqa, aýrý juqtyrý deńgeıi Batys-Tynyq muhıty aımaǵynda da ósken (12 paıyz).
Qaýipti vırýske shaldyǵý oqıǵalarynyń 63 paıyzy Eýropada tirkelgen, al odan bolǵan ólim oqıǵalary 60 paıyzdy qurap otyr.
Sonymen birge, onda aýrý juqtyrý deńgeıi 3 paıyzǵa, al ólim-jitim deńgeıi 7 paıyzǵa qysqarǵan. Amerıkada koronavırýs juqtyrý jańa oqıǵalarynyń sany 10 paıyzǵa, al Ońtústik-SHyǵys jáne Shyǵys Jerorta teńizi aımaǵynda 12 paıyzǵa qysqardy.