Sáýir aıynda Dúnıejúzilik densaýlyq saqtaý uıymynyń arnaıy mısıasy Qazaqstanǵa keledi.
Olar «QazVac»-ty tirkeýge baılanysty tekserýler júrgizbek. Bul jaıynda QR Densaýlyq saqtaý mınıstri Ajar Ǵınıat vedomstvonyń qorytyndy alqa májilisinen keıin aıtty, dep habarlaıdy Almaty-akshamy.kz QazAqparatqa silteme jasap.
«Qazaqstandyq vaksınany Dúnıejúzilik densaýlyq uıymynda tirkeý jumystary qazir jalǵasyp jatyr. Byltyr osy DDU ókilderi, mamandary men sarapshylary onlaın rejımde ártúrli qujattarymyzdy surap, teksergen bolatyn. Endi bıyldyń ózinde sol uıymnan arnaıy mısıa kelip, bizdiń vaksınanyń qalaı shyǵarylyp jatqanyn, zaýytymyzdyń halyqaralyq standarttarǵa sáıkestigin, dúnıejúziniń halqyna qoldanýǵa jaramdylyǵyn tekseredi», - dedi ol.
Mınıstrdiń sózinshe, bul jumystar birneshe satyda ótedi.