Qarjy monıtorıńi agenttiginiń blokcheın-tekserýi nátıjesinde esirtki saýdasy men ınternet-alaıaqtyqtan túsken qylmystyq kiristerdi sıfrlyq valúta arqyly jylystatqan iri krıptoaıyrbastaý servısi anyqtalyp, qyzmeti tolyq toqtatyldy, - dep habarlaıdy Aqshamnews.kz tilshisi.
Qyzmetke tıesili 67 ámıan buǵattalyp, 9,7 mln USDT (shamamen 5,2 mlrd teńge) kólemindegi aktıv ýaqytsha toqtatyldy.
Agenttiktiń blokcheın-monıtorıngi barysynda anyqtalǵan servıs Darknet–tiń 20 iri naryǵymen, sonyń ishinde bedeldi 5 mıllıonnan astam qoldanýshysy bar platformalarmen baılanysta bolǵan.
Keıingi úsh jylda bulservıs arqyly TMD elderindegi (Qazaqstan, Reseı, Ýkraına, Moldova) 200-den astam esirtki dúkeniniń zańsyz kiristeri jylystalǵany anyqtaldy.
Platformanyń jalpy aınalymy 224 mln AQSH dollarynan asty.
Tergeý barysynda 4 000-nan astam krıptovalúta ámıany tekserildi; zertteý nátıjesinde qylmystyq kirister saqtalǵan ámıandar anyqtaldy.
Qolǵa alynǵan sharalar nátıjesinde 67 ámıan buǵattalyp, 9,7 mln USDT (5,2 mlrd teńge) sıfrlyq aktıvter ýaqytsha toqtatyldy.
Servıs tolyqtaı óz qyzmetin toqtatty: áleýmettik jelidegi akkaýnttary joıyldy, klıentterge qyzmet kórsetýi toqtatyldy.
Darknet-tegi mamandandyrylǵan forýmdarda esirtki dúkenderi tarapynan qarjylyq mindettemelerdiń oryndalmaýyna baılanysty jappaı shaǵymdar tirkelip jatyr.
Tergeý jáne saldary
Qyzmet uıymdastyrýshylaryn anyqtaý boıynsha belsendi tergeý júrgizili jatyr.
Qabyldanǵan sharalar esirtki bıznesiniń kóleńkeli ınfraqurylymyna eleýli ekonomıkalyq soqqy berdi: jetkizý tizbekteriniń logıstıkasy buzylyp, naryq aınalymy azaıdy jáne tutynýshylardyń zańsyz platformalarǵa degen senimi tómendedi.
Agenttik sıfrlyq quraldardy paıdalaný arqyly qylmystyq kiristerdi jylystatý sqemalaryn toqtatý jumystaryn odan ári jalǵastyratynyn habarlady.