Byltyr elimiz dári-dármekti sıfrlyq tańbalaý úderisin aıaqtady.
Sóıtip ónimniń óndiristen dárihanaǵa deıingi jolyn baqylaýǵa múmkindik týdy. Naryqta 530 mln tańbalanǵan dári bar. Onyń 200 mln-nan astamy elde óndirilgen, - dep habarlaıdy Aqshamnews.kz.
Sondaı-aq bıyldan bastap, kontrafaktilik dári-dármek satqan kásipker 20-dan 40 AEK-ke deıin aıyppul arqalaıdy.
- Tańbalanbaǵan, onyń arasynda tańbalanǵan da bar, biraq ótirik tańbalanǵandar. Onyń barlyǵy reıd barysynda jáne ózimizdiń tańbalaý quraly arqyly ońaı anyqtaı alamyz. Ol endi taza jumys isteıtin kásipkerler úshin óte paıdaly. Sebebi naryqtan kontrafakti taýardy alyp tastaǵannan keıin taza jasaǵan kásipker óziniń taza taýaryn sórege engizip, óziniń aınalymyn kórsetedi,-deıdi QR SIM Sıfrlyq transformasıalaý jáne taýarlardy tańbalaý departamenti dırektorynyń orynbasary Áset Óteǵalıev.
Qazaqstandyqtardy tegin dárimen qamtý jalǵasady. Bul úshin bıyl 567 mlrd teńge bólindi. 2 myńnan asa preparat ataýy men medısınalyq jabdyqtar satyp alynbaq.