17 jeltoqsanda Biryńǵaı tańbalaý operatory men Jalpyulttyq sosıal-demokratıalyq partıa (JSDP) ókilderiniń qatysýymen kezdesý ótti, onda dárilik zattarǵa sıfrlyq tańbalanýyn engizýdiń ózekti máseleleri talqylanyp, kezdesýdiń qorytyndysy boıynsha taraptar dárilik zattardyń kóleńkeli aınalymymen kúresý boıynsha Jol kartasyn birlesip ázirleýge kelisti, dep habarlaıdy aqshamnews.kz.
Biryńǵaı tańbalaý operatory bul úderiske belsendi túrde qatysyp, óz quzyreti sheginde óz usynystaryn engizetin bolady.
JSDP alańynda qatysýshylar dárilik zattardy tańbalaýǵa qatysty ózekti máseleler boıynsha pikir almasty. Tańbalaýdy engizý prosesterindegi Biryńǵaı operatordyń róline jáne tańbalaýdyń tehnıkalyq engizý máselelerine erekshe nazar aýdaryldy. Taýarlardy tańbalaý jáne qadaǵalaý jónindegi biryńǵaı operator atalmysh joba sheńberinde tehnıkalyq seriktes retinde áreket etetinin esterińizge sala keteıik. Taýarlarǵa mindetti tańbalaýdy engizý jáne retteý máseleleri úkimet pen tıisti mınıstrlikterdiń quzyretine artylǵan. Biryńǵaı operator óz kezeginde júıeni tehnıkalyq engizýdi qamtamasyz etedi, sondaı-aq bıznes pen halyq arasynda aqparattandyrý jumystaryn júrgizip, naryq qatysýshylaryna jańa talaptarǵa beıimdelýge jáne tańbalaý quraldaryn tıimdi paıdalanýǵa kómektesedi.
Astanadaǵy JSDP fılıalynyń tóraǵasy Talǵat Omarov tańbalaýdy engizý úderisine jáne onyń naryqqa qatysýshylarǵa áseri týraly alańdaýshylyq bildirdi. Óz kezeginde Biryńǵaı operatordyń basqarýshy dırektory Almat Ismaılov tańbalaý júıesi naryqty kontrafaktilik ónimnen qorǵaýǵa baǵyttalǵanyn jáne kásipkerler derekteriniń qupıalylyǵyna qatysty quqyqtardy buzbaıtynyn basa aıtyp, barlyq suraqtarǵa egjeı-tegjeıli jaýap berdi.
Biz kóleńkeli naryqqa qatysty máselelerdi sheshý úshin qoǵammen jáne bıznespen ashyq syndarly dıalogqa jáne birlesken jumysqa daıynbyz. Sıfrlyq tańbalaý – bul dári-dármek naryǵyn móldir ári tutynýshylar úshin qaýipsiz etýge kómektesetin qural, - dep atap ótti Almat Ismaılov.
Jol kartasyn jasaý dári-dármektiń zańsyz aınalymyna qarsy kúreste mańyzdy qadam bolady jáne memlekettik organdardyń, bıznes-qoǵamdastyq pen qoǵamdyq uıymdardyń ózara is-qımylyn kúsheıtýi tıis.
Biryńǵaı operator JSDP-nyń kóleńkeli naryqty qysqartýǵa jáne halyqty sapaly zańdy ónimdermen qamtamasyz etýge baǵyttalǵan bastamalaryna qoldaý bildirdi. Eki tarap ta tutynýshylardyń quqyqtaryn qorǵaýdyń jáne árbir azamat satyp alatyn ónimderiniń qaýipsizdigi men túpnusqalyǵyna senimdi bola alatyn ashyq naryq qurýdyń mańyzdylyǵyn túsinedi. Birlesken jumys taýar aınalymyn baqylaýdy kúsheıtip qana qoımaı, sonymen qatar zańsyz ónimdermen kúresýdiń tıimdi tetikterin qurýǵa múmkindik beredi, bul ásirese dárilik zattar sıaqty áleýmettik mańyzy bar sanattar úshin mańyzdy.
Aıta ketý kerek, biryńǵaı operator tańbalaý júıesin sátti engizý jáne kóleńkeli naryqpen kúresý úshin bıznes-qoǵamdastyqpen jáne qoǵamdyq uıymdarmen ashyq jumysty jalǵastyrýda.