Náresteniń jedel sýbdýraldy gematoma, sol jaq mıynyń isinýi, ınsýlt alǵany anyqtaldy
Mańǵystaý oblystyq kópbeıindi balalar aýrýhanasynyń dárigerleri týǵanyna 39 kún bolǵanda ınsýlt alǵan náresteni aman alyp qaldy, dep habarlaıdy Almaty-akshamy.kz QazAqparatqa silteme jasap.
2022 jyldyń jeltoqsan aıynda dúnıege kelgen sábı 13 qańtar kúni óte aýyr halde balalar aýrýhanasynyń jansaqtaý bólimine jetkizilgen. Náresteni tolyq teksergen dárigerler «mı qan aınalymy júıesiniń buzylýy» dıagnozyn qoıǵan.
«13 qańtarda týǵanyna 39 kún bolǵan sábı «mı qan aınalymy júıesiniń buzylýy» dıagnozymen aýrýhanaǵa tústi. Náresteniń jedel sýbdýraldy gematoma, sol jaq mıynyń isinýi, ınsýlt alǵany anyqtaldy. Jedel túrde sheshim qabyldanyp, shuǵyl túrde ota jasaldy. Bir saǵatqa sozylǵan ota sátti ótti»,- dedi balalar neırohırýrgy Erbol Kenjevalov.
Qazir balanyń jaǵdaıy turaqty. Sábı úıge shyǵarylǵan, ata-anasynyń jáne dárigerdiń baqylaýynda.