Osydan eki aı buryn Bershigúr aýylynda turatyn jeti aılyq Aqberen esimdi bóbektiń ystyǵy 39-ǵa deıin kóteriledi. Ábden álsiregen balany Shalqar aýdanynyń aýrýhanasyna jetkizgen, dep habarlaıdy aqshamnews.kz.
Bildeı aýdandyq aýrýhananyń dárigerleri balaǵa bir túıir dári berip, odan ózge kómek kórsete almaıtynyn aalǵa tartqan. Tipti buǵan deıin oblys ortalyǵynda jasalǵan otanyń jarasy da ashylyp, baladana qan ketkenin kórgen aýrýhana qyzmetkerleri qan toqtatýǵa da áreket etpegen. Eń soraqysy balasyn kóterip, arasha izdep kelgen kelinshekti sábıimen birge taksıge otyrǵyzyp jibergen. Osylaısha shuryq-tesik jolmen Aqtóbege baǵyt alǵan. Esinen tanǵan balany joldaǵy Embi kentindegi aýrýhanaǵa alyp barady. Munda eki saǵat boıy dárigerdi tappaı sarylady. Osyndaı aq halattylardyń salǵyrttyǵy saldarynan jeti aılyq sábı shetinep ketken.
"Aqtóbege alyp ketemiz, balanyń jaǵdaıy aýyr" dep, kelinshegim ekeýin taksıge otyrǵyzady. Sanavıasıa shaqyryp, poıyz bolmaı, balamdy taksıge salyp jiberedi. Balama bir-aq tabletka beredi. Basqa esh kómek kórsetilmedi. Shalqardyń bas dárigeri, Embi qalasynyń bas dárigeri balama kómek kórsetpegeni úshin jazasyn tartsyn!", - deıdi balanyń ákesi Arman Jubanyshev.