Bul týraly QR Densaýlyq saqtaý mınıstri Ajar Ǵınıat aıtty.
Jyldyń sońyna qaraı dárigerler jalaqysy orta eseppen 550 myń teńgeden asady, ıaǵnı Qazaqstandaǵy ortasha jalaqydan 2,5 ese joǵary bolady, dep habarlaıdy Almaty-akshamy.kz.
QR Densaýlyq saqtaý mınıstri Ajar Ǵınıattyń aıtýynsha, búgingi tańda 8 joǵary oqý orny respýblıkanyń bilim berý baǵdarlamalarynyń tizilimine engizilgen 60-tan astam medısınalyq mamandyq boıynsha bilim beredi.
«Jyl ótken saıyn mamandyqtyń bedeli artyp, medısınaǵa qyzyǵýshylyq tanytatyn jastar kóbeıip keledi. Medısınalyq joǵary oqý oryndary jyl saıyn 9 myńnan astam maman bitiredi. 2021 jyldan bastap Densaýlyq saqtaý mınıstrligi grant qunyn ósirdi, bul medısınalyq joǵary oqý oryndarynyń materıaldyq-tehnıkalyq bazasyn jaqsartýǵa aıtarlyqtaı áser etedi. Medısına qyzmetkerleriniń jalaqysyn jyl saıyn, júıeli túrde arttyrýǵa kóbirek kóńil bólinýde. 2023 jylǵa qaraı dárigerler jalaqysy orta eseppen 550 myń teńgeden asady jáne Qazaqstandaǵy ortasha jalaqydan 2,5 ese joǵary bolady», - dedi mınıstr.