Dıetolog jáne balalar endokrınology Dará Haıkına shaı ishý normasy onyń túrine, konsentrasıasyna jáne adamnyń densaýlyǵyna baılanysty ártúrli bolatynyn aıtty. Dáriger bul sýsynnyń adam aǵzasyna táýligine ruqsat etiletin qaýipsiz mólsherin anyqtady, - dep habarlaıdy Aqshamnews.kz tilshisi Lenta.ru saıtyna silteme jasap.
Maman shaıdyń adam aǵzasyna áseri jaıly bólisti. Dárigerdiń sózinshe shaıdy beı-bereket ishe berýge bolmaıdy.
- Qara jáne jasyl shaı – kúnine 3-5 kese (600-900 ml) ishýge bolady.
- Aq jáne oolong shaılary – quramyndaǵy kofeın mólsheri tómen bolǵandyqtan, kúnine 6 kese (1,2 lıtr) ishýge ruqsat.
- Shóp shaılary – quramyna baılanysty normasy ártúrli. Túımedaq shaıyn shekteýsiz ishýge bolady, al jalbyz shaıyn az mólsherde tutynǵan jón, óıtkeni ol qan qysymyn tómendetýi múmkin.
Shaıdy shamadan tys tutynýdyń qaýpi
- Kofeınniń kóptigi uıqysyzdyq pen mazasyzdyq týdyrýy múmkin.
Mysaly, kúshti qara shaıda 90 mg kofeın bar, al bir kese espressoda 80 mg kofeın bolady. - Shaı temir tapshylyǵyna ákelýi múmkin.
Onyń quramyndaǵy tanınder temirdiń sińýine kedergi keltiredi. Sondyqtan shaıdy tamaqtan keıin birden ishpeı, birneshe saǵattan keıin ishý usynylady.
Shamadan tys shaı ishý búırekke zıan keltirýi múmkin
Sondaı-aq dáriger shaıdy shamadan tys ishý búırektiń jumysyna kedergi keltirýi múmkin deıdi.
"Shaı quramyndaǵy keıbir zattar búırekte tas túzilýine sebep bolýy múmkin, sondyqtan búırek aýrýy bar adamdarǵa ásirese jasyl shaıdan bas tartqan jón" dep qosty maman.