Italıyanyń jetekshí basylymdarynyń bírí Corriere della Sera qūramyna kíretín COOK gastronomıyalyq jurnaly Qazaqstanǵa arnalǵan auqymdy reportaj jarıyalady. Materıalda Almaty elímízdíń mádenı jáne gastronomıyalyq ortalyǵy retínde keńínen tanystyrylǵan.
Jurnalıster Almaty qalasy Turızm basqarmasy men Almaty Tourism Bureau shaqyrtuymen osy jazda Qazaqstanǵa kelíp, qalanyń gastronomıyasymen, mádenıetímen jáne turıstík áleuetímen tanysty.
Reportajda Almaty men Kólsaı jáne Qaıyńdy kólderí, Sharyn shatqaly syndy óńírdíń tabıǵı jauharlary kórsetílgen. Būl nysandar qalanyń ınfraqūrylymymen jáne zamanauı gastronomıyalyq oryndarymen úılesken bíregeı turıstík baǵyt retínde ūsynylǵan.
Materıalda Almatynyń qazírgí gastronomıyasyna erekshe kóńíl bólíngen. Et, túrlí et delıkatesterí syndy ūlttyq taǵamdar men qymyz (ashytylǵan bıe sútí) dástúrlí túrde de, zamanauı qyrynan da ūsynylatyny aıtylady. Neo Nomad cuisine baǵyty da qamtylǵan. Maqalada bauyrsaq, qūrt jáne ystalǵan jylqy etí sekíldí taǵamdardyń retsepterí berílíp, oqyrmanǵa qazaq ashanasymen jaqynyraq tanysuǵa múmkíndík jasalady.
«Auyl», «Jinau», «Sandyq», «Tary» syndy meıramhanalar mysalǵa keltírílíp, olardyń ūlttyq taǵamdardy zamanauı tásílmen, jergílíktí ıngredıentterdí sheber úılestíre otyryp ázírleıtíní jazylǵan.
Gastronomıyadan qosa, reportajda aımaqtyń sharap óndírísíne de nazar audarylǵan. Íle Alatauynyń bauraıynda Asy jaılauynda ornalasqan Arba Wine kompanıyasy óńírdíń erekshe tabıǵı jaǵdaıynda júzím ósíríp, jergílíktí jáne álemdík sorttardy ūshtastyra otyryp sapaly sharap óndíretíní bayandalady. Italyandyq sarapshylarmen bírlesken jūmys, halyqaralyq marapattar jáne sharap mádenıetíníń Almaty turızmíníń ajyramas bólígíne aınala bastaǵany aıtylady.
2025 jyldyń alǵashqy jartyjyldyǵynda Almatyǵa kelgen ıtalıyalyq turıster sany 2024 jyldyń osy kezeńímen salystyrǵanda 10,9% ósken. Būl Almatynyń mádenıetí men gastronomıyasyna degen qyzyǵushylyqtyń artqanyn, sondaı-aq halyqaralyq BAQ pen álem turısteríníń nazarynda ekenín kórsetedí.
