Qala ákimi Darhan Satybaldy «Dom na Abaıa» turǵyn úı kesheninde bolyp, ózekti máselelerdi talqylaý úshin turǵyndarmen kezdesti. Kezdesýge sondaı-aq «AJK» AQ-nyń óndiris jónindegi atqarýshy dırektory men qalalyq qyzmet basshylary, onyń ishinde TJD ókilderi qatysty.
Turǵyndar elektr qýatynyń jıi óship qalýyna shaǵymdandy, sonyń saldarynan olar sýsyz, jedelsatysyz qalady. Sonymen qatar, syrtqy kabel jelileriniń sapasy jáne órt qaýipsizdigi júıesiniń sáıkessizdigi máselesi kóterildi.
Qalalyq TJD bastyǵynyń aıtýynsha, tekserý barysynda buryn 18 buzýshylyq anyqtalǵan, onyń 15-in qurylys salýshy joıǵan. Alaıda órt sóndirý júıesine qatysty keıbir buzýshylyqtar sheshilmegen kúıinde qaldy. Olardyń isi sotqa jiberildi, al turǵyndardyń ótinishimen qaıta tekserý júrgiziledi.
«AJK» AQ óndiris jónindegi atqarýshy dırektory mekeme ınjenerlik jelilerdi ıesiz dep tanyp, senimgerlik basqarýǵa berilgennen keıin ǵana ıeligine alýǵa daıyn ekenin atap ótti.
Darhan Satybaldy turǵyn úı kesheni jaıy ujymdyq menshik aımaǵynda ekenin, alaıda qaladaǵy máseleler boıynsha sheshim shyǵarýǵa daıyn ekenin atap ótti.
«Biz turǵyndardyń alańdaýshylyǵyn túsinemiz. Transformatorlyq qosalqy stansıa boıynsha jumys Energetıka basqarmasymen birlesip júrgiziledi. Alty aı ishinde nysan ıesiz dep tanylady, sodan keıin ol energıa berýshi uıymnyń balansyna beriledi. Órtke qarsy júıege qatysty másele de baqylaýǵa alynyp, TJD qatysýymen tekserý júrgiziledi», - dedi Almaty ákimi.