Almaty qalasynyń ákimi Darhan Satybaldy renovasıa baǵdarlamasy boıynsha 1950-1960 jyldary salynǵan eski úıler ornalasqan Rozybakıev – Kataev – Radostoves kósheleriniń aýmaǵyndaǵy jaǵdaımen tanysty.
Aýdanda «Camh Realty» JSHS kompanıasy «Nasledıe» turǵyn úı kesheniniń qurylysyn júrgizýde, sondaı-aq «VEK-Tumar» JSHS jáne «PKS» JSHS kompanıalary da eski úılerge qatysty jumystarmen aınalysyp jatyr.
Turǵyndar 2030 jylǵa deıin tozyǵy jetken jáne jańartý baǵdarlamasyna engizilgen úıleri sheshimsiz qala ma degen alańdaýshylyqtaryn da jetkizdi.
Darhan Satybaldy turǵyndardyń múddelerine basymdyq berý kerektigin atap ótti.
«Investorlardyń adamdardy tozyǵy jetken eski úılerinde qaldyryp, tek bos jatqan nemese eń tartymdy jerlerdi tańdaýyna jol bermeý kerek. Eger kompanıa aýmaqty alsa, onda onymen birge eski turǵyn úıdi buzý jáne qonystandyrý máselesin sheshýge de mindetti. Biz barlyq taraptardy bir ústel basyna jınap, naqty sheshimderdi talap etetin bolamyz. Eger qurylys salýshylar odan jaltarsa, olardy bul jobalardan shettetemiz», - dedi ákim.
Kezdesý qorytyndysy boıynsha Sáýlet jáne qala qurylysy basqarmasy qurylys salýshylarmen birlesip, qaıta jańartý baǵdarlamasyna engizilgen jer telimderiniń salynyp jatqan bilim berý mekemesiniń shekarasymen túıispeýin naqtylaý jóninde ýaǵdalastyqqa qol jetkizildi.