Ǵylymı qyzmet qashanda jankeshtí jūmys. Jasaǵan azdy-kóptí ǵūmyrynda ǵylymmen shūǵyldanyp, oǵan jastardy baulumen shákírt tárbıelep, bayandy tabystarǵa keneler azamattar qatary neken-sayaq. Taǵdyr synaǵynyń ótkelderínde tańdaǵan jolynan taımaı, syn saǵattarda shyńdalyp, qyzmetíne berílíp, jan-tánímen aqtaryla atqaru kemel tūlǵalardyń ǵana qolynan keledí. Sondaı abyz jannan tálím-tárbıe alu baqyty būıyryp, úıretken taǵylymdary ómírlík temírqazyq bolar, ónegelí ósıetterí eske oralyp otyratyn qūrmettí ūstazymyz, tamasha ǵalym-energetık – Tohtıbakıev Karmel Kamılūly 2025 jylǵy 22 mamyrda ūzaqqa sozylǵan nauqastan qaıtys boldy.
Tapjylmastan 24 jyl «Energojúıejobasynda» jūmys jasap, mol tájírıbe jıǵan ǵalym aǵamyz, 1998 jyly Almaty energetıka jáne baılanys ınstıtutyna «Elektr júıelerí men jelílerí» kafedrasynyń dotsentí lauazymyna taǵaıyndaldy. 2001 jyly oǵan akademıyalyq dotsent ataǵy beríldí. 2023 jyly ūzaq jyldarǵy ǵylymı-pedagogıkalyq eńbegí baǵalanyp, Ǵūmarbek Dáukeev atyndaǵy Almaty energetıka jáne baılanys unıversıtetíníń (AEjBU) eńbegí síńgen professory qūrmettí ataǵy beríldí.
Karmel Kamılūly óz ísíne berílgen, jańalyqqa jany qūshtar ǵalym árí elímízdíń elektr energetıkasy salasynyń nysandaryna engízílgen bírqatar ǵylymı jáne ınnovatsıyalyq sheshímderdí ázírlegen óz ísíníń bílíktí tūlǵasy edí. 70-ten astam ǵylymı jobalardyń avtory atandy. Olardyń barlyǵy Qazaqstannyń «Tsıfrly Qazaqstan» memlekettík damu baǵdarlamasyna engízíldí.Sondaı-aq, Karmel Kamılūly Qazaqstan BEJ men Ortalyq Azıya BEJ-níń 2030 jylǵa deıíngí bírlesken damu tūjyrymdamasyn ázírleudíń avtory boldy. Būl zertteu Qazaqstan, Ózbekstan, Qyrǵyzstan jáne Tájíkstan táuelsízdík alǵannan keıín alǵash ret oryndaldy.
Karmel aǵamyz ǵylymı qyzmetínde Qazaqstannyń óńírlík elektr jelílík kompanıyalaryn (ÓEK) nazardan tys qaldyrǵan joq. Elektr quatynyń joǵaltuyn tómendetu boıynsha ázírlegen jobalary qoldanysqa sáttí engízíldí. Tabıǵı monopolıyalar salasynda kóptegen jyldar boıy elektr quatyn joǵaltudyń normatıvtík deńgeıín baǵalau boıynsha sarapshy retínde qyzmet ettí. Ǵylym jáne joǵary bílím mınıstrlígíníń tapsyrysy boıynsha bírqatar mańyzdy ǵylymı jobalardy oryndady. HHÍ ǵasyrdyń basynda, eldíń elektr energetıkasy salasyn qaıta formattau qajettílígí tuyndaǵan kezde, Qazaqstan Respublıkasynyń elektr energetıkasyndaǵy naryqtyq qatynastardy odan árí damytu tūjyrymdamasyn ázírleuge qatysty. Unıversıtet rektory, t.ǵ.k., professor Ǵūmarbek Júsípbekūly Dáukeevtíń jetekshílígímen jáne t.ǵ.k., professor Almas Ausydyqūly Jakupovpen bírlesíp tıímdí tarıftík sayasatty qalyptastyru jóníndegí ǵylymı-zertteu jobalaryna qatysty.
Ǵylymı jobalardy oryndau kezínde Karmel Kamılūly árqashan óz jūmysy úshín jauapkershílík alyp, jobanyń ǵylymı jetekshísí nemese bas ınjenerí retínde qyzmet ettí. Eńbekterí baǵalanyp, «Qazaqstannyń eńbek síńírgen energetıgí» jáne «TMD-ǵa qatysushy memleketterdíń elektr energetıkasyn damytuǵa qosqan eleulí úlesí úshín TMD Elektr energetıkalyq keńesíníń qūrmettí energetıgí», sondaı-aq eldíń energetıkalyq júıesíníń ıgílígí jolyndaǵy kóp jylǵy jūmysy úshín «Eńbek ardagerí» atandy.
Búgínde Qazaqstannyń energetıka salasyndajemístí jūmys jasap júrgen júzdegen shákírtterí – óz ísíníń mamandary, magıstranttary men doktoranttary Karmel Kamılūlynyń ūstazdyqeńbegín rızashylyqpen eske alady.
Ūstazymyzdyń otbasyna, tuys, jora-joldastaryna shyn júrekten kóńíl aıtamyz!Árqashan aǵamyzdyń adamshylyǵyn, ǵylymǵa adaldyǵyn úlgí tūtamyz.
Qazaqstan Respublıkasynyń energetıka keshenín damytuǵa bar kúsh-jígerín, ómírín sarp etken kórnektí ǵalym, sūńǵyla ūstaz, eljandy azamat Karmel Kamılūly Tohtıbakıevtíń asyl beınesí bízdíń jadymyzda máńgíge saqtalady.
Shákírtterí atynan:
D.J.DJEKSENBINOV,
«Krıstall Menedjment» AQ elektr quatyn satu jóníndegí menedjerí,
A.A.SAUHIMOV,
PhD – «KEGOC» AQ ŪEJ damytu jóníndegí basqarushy dırektory,
A.T.BEKTIMIROV,
«AEjBU» KeAQ PhD aǵa oqytushysy,
A.Yu.GOLUBINA,
«SMNU-70» AQ ınjener-ekonomısí (RF).