Qazaqstan Respýblıkasy İİM M. Esbolatov atyndaǵy Almaty akademıasynyń kýrsanttary Almaty qalasyndaǵy Ortalyq murajaıda ótken «Dańqy óshpes batyrlar» atty taǵylymdy mádenı is-sharaǵa qatysty.
Atalǵan is-shara Uly Jeńistiń 80 jyldyǵyna oraı Qazaqstan halqy Assambleıasy, «Qoǵamdyq kelisim» qoǵamdyq uıymy jáne Ofıserler odaǵynyń uıymdastyrýymen ótti.
Búgingi urpaqqa jaýyngerler erligin ulyqtap, jas urpaqtyń júregine otansúıgishtik rýhyn sińiretin mazmundy is-sharada soǵys jyldarynyń estelikteri jańǵyryp, maıdangerlerdiń rýhyna taǵzym etildi.
Uly Jeńis qurmetine arnalǵan is-sharaǵa sondaı-aq Uly Otan soǵysy batyrlarynyń urpaqtary Álıa Qoshqarbaeva, Janar Naqypova, Qazaqstan halqy Assambleıasynyń respýblıkalyq, óńirlik jáne qalalyq etnomádenı birlestikteriniń ókilderi, ǵylymı zıaly qaýym ókilderi, qoǵam qaıratkerleri qatysyp, M.Esbolatov atyndaǵy Almaty akademıasynyń kýrsanttary men Almaty qalasy Polısıa departamentiniń jeke quramy usynǵan konserttik baǵdarlamany tamashalady.