Almatydaǵy ATP 250 týrnıri máresine jetti. Jekeleı synda álemniń 14-raketkasy, reseılik Danııl Medvedev top jardy, - dep habarlaıdy aqshamnews.kz tilshisi.
Danııl Medvedev reıtıńide 41-orynda turǵan fransıalyq Korenten Mýtemen kezdesti.
Birinshi set 7:5 esebimen reseılik tenısshiniń paıdasyna sheshildi. Ekinshisinde fransıalyq sportshy ese qaıyrdy - 6:4. Degenmen sheshýshi sette Medvedev jeńisti julyp aldy - 6:3.
ATP jarystarynda 40-ret fınalǵa shyqqan Danııl 21-tıtýlyn jeńip aldy. Ol buǵan deıingi chempıondyq ataǵyna 2023 jylǵy mamyrda qol jetkizgen edi.
"Keıde oıynyma kóńilim tolmaıdy. Biraq jeńistiń orny bólek. Bul - machtiń eń mańyzdy kezeńinde jaqsy oınadym degen sóz. Ásirese, sheshýshi geım erekshe boldy. Tıtýldy jeńip alǵanyma qýanyshtymyn. Osymen 21 qalada 21 trofeıge ıe boldym", - dedi Medvedev oıynnan soń.
Juptyq synda fransıalyqtar Teo Arrıbaj ben Albano Olıvettı úzdik shyqty. Olar fınalda germanıalyq Iakob Shnaıtter men Mark Valnerden aılasyn asyrdy - 6:4, 7:6 (10:8).
Arrıbaj juptyq synda ATR dodasyndaǵy ekinshi, Olıvettı úshinshi tıtýlyn jeńip aldy.