Atyraýda tý teris ilingen. Turǵyndar memlekettik rámizderge qurmetsizdik tanytqandarǵa narazylyq bildirdi, - dep habarlaıdy Aqshamnews.kz Azh.kz saıtyna silteme jasap.
Kýágerlerdiń aıtýynsha, tý bul kúıde birneshe saǵat boıy ilinip turǵan.
Qala men oblystyń sımvoly sanalatyn flagshtok qala ákimdiginiń balansynda. Alaıda turǵyndar onyń jaı-kúıin eshkim durys qadaǵalamaıtynyn aıtady. Áleýmettik jelilerdegi qyzý talqylaýdan soń tý alyndy. Degenmen qoldanýshylar bul nemquraılyqqa jol bergenderdi anyqtap, jaýapqa tartýdy talap etti.
"Bul jaı ǵana shúberek emes - bul eldiń sımvoly. Mundaı jaıtqa beıjaı qaraýǵa bolmaıdy", - dep jazady turǵyndar.
Atyraý ákimdigi jaǵdaıǵa pikir bildirdi.
"17 qazanda týdy kóterý barysynda merdiger uıym qyzmetkerleri tehnıkalyq qatelik jibergen, tý teris ilinip ketken. Buzýshylyq jedel anyqtalyp, tý talaptarǵa sáıkes ornatyldy. Bul quqyqbuzýshylyq deregi boıynsha merdiger uıymnyń qyzmetkeri Qazaqstan Respýblıkasynyń Ákimshilik quqyqbuzýshylyq týraly kodeksiniń 458-baby ("Qazaqstan Respýblıkasynyń Memlekettik rámizderin paıdalaný qaǵıdalaryn buzý") boıynsha ákimshilik jaýapkershilikke tartyldy", - delingen habarlamada.
Bul bapqa sáıkes, memlekettik rámizderdi paıdalaný qaǵıdalaryn buzǵany úshin 50 aılyq eseptik kórsetkish mólsherinde - 184 600 teńge (jeke tulǵalar úshin) aıyppul kózdelgen. Dál osyndaı jaza merdiger uıym qyzmetkerine qoldanyldy.