Pandemıasyz álem
Danıa el turǵyndarynyń 85% astamyn koronavırýsqa qarsy egip, barlyq shekteýlerdi ala bastady. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komısıanyń Telegram-kanalynda aıtyldy, dep habarlaıdy Almaty-akshamy.kz Soronavirus2020.kz-ke silteme jasap
Danıa Eýropalyq odaq elderi arasynda koronavırýsqa qarsy vaksınalaýdyń joǵary deńgeıin kórsetýde. Osylaısha el pandemıa rejıminen shyǵyp, shekteýlerdi alyp tastaýda.
Budan bylaı el bıligi COVID-19 vırýsyn resmı túrde «qaýipti aýrý» dep sanamaıdy dep málimdedi. Dúkender Rojdestvo merekesine betperdesiz jáne áleýmettik qashyqtyqsyz daıyndalýda. Dámhanalar men meıramhanalarǵa barý úshin QR-kodtar men vaksınasıa sertıfıkaty qajet emes.
Elde 12 jastan asqan halyqtyń 85% astamy tolyq egildi. 60 jas tobyndaǵy barlyq derlik turǵyn vaksına aldy. Aıta ketý kerek, vaksınasıa boıynsha mundaı joǵary kórsetkish Norvegıa men Shvesıada da bar. Izraıl úkimeti 5-11 jas aralyǵyndaǵy balalardy koronavırýsqa qarsy egýge daıyndyq júrip jatqanyn habarlady. Densaýlyq saqtaý mınıstrliginde túsindirý naýqany boıynsha daıyndyq júrýde.
Túpkilikti sheshim AQSH-tyń, atap aıtqanda, FDA saraptama komısıasynyń 5 jastan bastap 28 mıllıon amerıkalyq balany ımmýndaý úshin Pfizer vaksınasyn qoldanýǵa shuǵyl lısenzıa berý týraly sheshim qabyldaýyna qatysty bolmaq. Eger vaksınalaý AQSH-ta maquldansa, Izraıl Densaýlyq saqtaý mınıstrligi de bul máselege ruqsat beretin bolady.