Qalıbek Qýanyshbaev atyndaǵy Qazaq ulttyq mýzykalyq drama teatrynda «DALA DAUYSY» respýblıkalyq konkýrsynyń jeńimpazdary men laýreattaryn marapattaý rásimi jáne gala-konsert ótti, dep habarlaıdy aqshamnews.kz
Konkýrs maqsaty - ulttyq mádenıetti saqtaý jáne damytý, qoǵamdaǵy rýhanı qundylyqtardy nyǵaıtý, sondaı-aq óskeleń urpaqty adamgershilik pen patrıottyqqa tárbıeleý baǵytynda dástúrli, klasıkalyq, estrada jáne teatr óneri janrynda jańa týyndylardyń avtorlaryn qoldaý.
Konkýrsqa 5 nomınasıa boıynsha 15 syılyq jáne QR Mádenıet jáne aqparat mınıstrliginiń 2 arnaıy júldesi taǵaıyndaldy.
Bıyl konkýrsqa qatysý úshin 1 sáýir men 1 qarasha kúnderi aralyǵynda 154 ótinim kelip tústi. Konkýrsqa sońǵy eki jylda jazylyp, kópshilik aldynda jarıalanbaǵan qazaqstandyq kompozıtorlar men jazýshylardyń shyǵarmalary qabyldandy. Jeńimpazdar men laýreattardy Qazaqstannyń belgili mádenıet jáne óner qaıratkerlerinen arnaıy qurylǵan qazylar alqasy jabyq túrde anyqtady.