Nýtrısıolog keńesi: D dárýmeniniń ornyn dári qoldanbaı qalaı qalpyna keltirýge bolatynyn aıtty
Nýtrısıolog Elena Voskresenskaıa D dárýmenine baı birqatar azyq-túlik ónimderin atady. Mamannyń aıtýynsha, bul dárýmen aǵzaǵa tamaqpen birge túsetin kálsı men fosfordy sińirýge kómektesedi, dep habarlaıdy Almaty-akshamy.kz REN-TV saıtyna silteme jasap.
Bul mıkronýtrıent qaterli isiktiń damýynyń, súıek tininiń jumsarýynyń jáne osteoporzdyń aldyn alady. Sonymen qatar ol júıke jáne ımýndyq júıege paıdaly, ınsýlın mólsherin rettep otyrady.
Voskresenskaıa bul dárýmenniń 90%-y aǵzada últrakúlgin sáýlelerlen bólinetinin atap ótti. Alaıda jaz maýsymy qysqa bolatyn óńirlerde D dárýmenin azyq-túlikten alý kerek eken.
Bul dárýmenge maıly balyq, sonymen qatar, qyzyl jáne qara ýyldyryq, ulýdyń jeýge bolatyn bir túri (ýstrısa) jáne nálimniń (treska) baýyry baı keledi. Jabaıy arqan balyq (losos), sýtil (paltýs), keta, qunysbalyq, skýmbrıa, sardına, maıshabaq - bulardyń bári D dárýmenine toly.
«Kún sáýlesine qanǵan orman sańyraýqulaqtarynda da D dárýmeni óte kóp. Biraq sýpermarketterden tabylatyn sańyraýqulaqtardyń quramynda bul dárýmen joqtyń qasy. Jumyrtqa, sıyrdyń baýyry, sary maı, eshki súti, súzbe men irimshik te - D dárýmeniniń tamasha balamalary», - dep málimdedi nýtrısıolog.