Kıpr respýblıkasy balalarǵa 5 jastan bastap vaksınasıa júrgizedi.
Covid-19 taralýyna jol bermeý jónindegi VAK-tyń teleram kanalynyń málimeti boıynsha, DDU mamandary ınfeksıanyń saldarynan kóz jumý sany kóbeıedi dep boljam jasady, dep habarlaıdy Almaty-akshamy.kz
Dúnıejúzilik densaýlyq saqtaý uıymy «omıkron» shtamyna baılanysty aýrýhanaǵa jatqyzý jaǵdaılarynyń ósýi kútilip otyrǵanyn málimdedi. Bul boljam SARS-CoV-2 jańa mýtasıasynyń belsendi taralýymen baılanysty. Sondaı-aq, DDU mamandary ınfeksıanyń saldarynan kóz jumý sanynyń kóbeıýine boljam jasaıdy. Bul rette, halyqaralyq sarapshylar barlyq klınıkalyq jaǵdaıdy túsiný úshin obektıvti taldamalyq derekter qajet ekenin atap ótti. DDU aldaǵy aptalarda «omıkron» týraly naqty ári aýqymdy aqparat kútedi.
Koronavırýsqa qarsy álemdegi alǵashqy vaksınany jasaýshylar Gamaleıa atyndaǵy epıdemıologıa jáne mıkrobıologıa ǵylymı ortalyǵy kelesi jyldyń qańtarynda Reseıdiń «Spýtnık V» vaksınasyn maquldaý aıasynda DDU delegasıasynyń kelýin kútýde. Bul týraly Ortalyq basshysynyń orynbasary Denıs Logýnov málimdedi. «Spýtnık V» preparatynyń tıimdiligi men qaýipsizdigi álemniń kóptegen elderindegi klınıkalyq synaqtarmen jáne naqty derektermen rastalǵany belgili. «Spýtnık V» vaksınasyn paıdalaný 71 memlekette maquldandy, - dep atap ótti óz kezeginde RTIQ basshysy Kırıll Dmıtrıev. Djons Hopkıns ýnıversıtetiniń statısıkasyna sáıkes, pandemıa bastalǵannan beri AQSH-ta covid-19 rastalǵan jaǵdaılardyń sany 50 mıllıonnan asty, aýrý saldarynan 797 916 naýqas qaıtys boldy. Infeksıalardyń eń kóp sany Kalıfornıada - 5 169 348, Tehas shtatynda – 4 394 772 tirkeldi. Florıdada 3,75 mıllıonnan astam covid-19 juqtyrý deregi rastaldy, Nú-Iork shtatynda - 2,85 mıllıonnan astam, Illınoıs shtatynda - 1,9 mıllıonnan astam jaǵdaı anyqtalǵan.
Kıpr respýblıkasy balalarǵa 5 jastan bastap vaksınasıa júrgizedi. 16 jeltoqsanda 5-11 jastaǵy balalardy koronavırýsqa qarsy ımmýndaý naýqany bastalady. «Vaksınasıa barlyq provınsıalardaǵy Densaýlyq saqtaý mınıstrliginiń ana men balany qorǵaý ortalyqtarynda júrgiziledi», - dedi Densaýlyq saqtaý mınıstri Mıhalıs Hadzıpandelas. Sonymen qatar mınıstr 15 jeltoqsannan bastap «omıkron» shtamy nemese SARS-CoV-2 basqa da jańa mýtasıasy anyqtalǵan adamdardy mindetti túrde oqshaýlaý engizilgenin málimdedi. Sondaı-aq, sanıtarıalyq talaptar saqtalmaǵan jaǵdaıda jeke kompanıalar uıymdastyrǵan Rojdestvolyq is-sharalar toqtatylady. Argentına bıligi jappaı is-sharalarǵa barý úshin sanıtarıalyq ruqsatnama engizedi. Covid-19-ǵa qarsy tolyq vaksınasıadan ókendigi týraly rastaý 1 qańtardan bastap 13 jastan asqan barlyq adamdardan talap etiledi.
Taıland revaksınasıa merzimin 6 aıdan 3 aıǵa deıin qysqartady. «Omıkronnyń» jańa shtamymen kúreste ımýnıtetti arttyrý úshin tıisti sheshim qabyldandy.
Ulybrıtanıada «omıkron» shtamyn juqtyrǵan alǵashqy naýqas qaıtys boldy. Ulybrıtanıa Premer-mınıstri «omıkron» shtamynan týyndaǵan aýrý jeńil túrde júredi degen ıdeıany «birjola qoıýǵa» jáne koronavırýstyń jańa nusqasynyń taralý jyldamdyǵyna nazar aýdarýǵa shaqyrdy.