Bul týraly Memleket basshysynyń Chevron korporasıasy dırektorlar keńesiniń tóraǵasy Maıkl Ýırtpen ótken kezdesýinde belgili boldy.
Kezdesý barysynda strategıalyq áriptestiktiń qazirgi ahýaly men perspektıvasy talqylandy, dep habarlaıdy aqshamnews.kz Aqordaǵa silteme jasap.
Condaı-aq iri ınvestısıalyq jobalarǵa, sonyń ishinde gaz jáne munaı hımıasy óndirisine erekshe nazar aýdaryldy.
Qasym-Jomart Toqaev:
Chevron kompanıasymen seriktestik elimizdegi energetıka salasyn turaqty damytýda negizgi ról atqaratynyn atap ótti;
Maıkl Ýırtti «Teńiz» ken ornyn keńeıtý jobasynyń tabysty aıaqtalýymen quttyqtady;
Otandyq kompanıalardyń munaı-gaz sektoryndaǵy úlesin arttyrýdyń ózektiligine nazar aýdardy;
Chevron kompanıasymen ózara tıimdi ári uzaq merzimdi yntymaqtastyqty tereńdetýge daıyn ekenine toqtaldy.
Maıkl Ýırt:
Qazaqstan kompanıanyń strategıalyq ári senimdi seriktesi bolyp qala beretinin jetkizdi;
«Teńizshevroıl» birlesken kásiporny 1993 jyldan 2024 jylǵa deıin elimizge aıtarlyqtaı ınvestısıa salǵanyn aıtty.