«Altyn dala» qoryǵyna «Jabaıy jylqylardyń oralýy»: Prjevalskıı-Kerqulan, Kertaǵy jylqylaryn ákelý boıynsha saltanatty rásimi ótti.
İs-sharaǵa Qazaqstan Respýblıkasy Ekologıa jáne tabıǵı resýrstar mınıstri Erlan Nysanbaev, Qostanaı oblysynyń ákimi Qumar Aqsaqalov, Chehıa Respýblıkasynyń QR-daǵy Elshisi Pavol Shepelák bastaǵan Chehıa Respýblıkasynan kelgen delegasıa músheleri qatysty, dep habarlaıdy Almaty-akshamy.kz QR Ekologıa jáne tabıǵı resýrstar mınıstrligine silteme jasap.
«Jabaıy jylqylardy qaıtarý» halyqaralyq jobasyn iske asyrý sheńberinde Qazaqstannyń bıoalýantúrliligin saqtaý maqsatynda Chehıa Qarýly kúshteriniń arnaıy áskerı-kóliktik ushaǵymen Chehıadan «Altyn dala» memlekettik tabıǵı rezervatynyń aýmaǵynda reıntrodýksıalaý úshin Prjevalskıı – (Kerqulan, Kertagy) 8 bas jylqy jetkizildi.
Barlyǵy 40 bas jylqynyń tarıhı otanyna ákelý josparlanyp otyr. Qazaqstan men Chehıa mamandarynyń jemisti yntymaqtastyǵynyń arqasynda eki respýblıka arasyndaǵy Halyqaralyq kelisim sheńberinde Qostanaı oblysyna (Amangeldi jáne Jangeldi aýdandaryna) osy sırek kezdesetin janýarlardyń 40 danasy qaıta jersindiriletin bolady.
İs-sharaǵa qazaqstandyq bıoalýantúrlilikti saqtaý qaýymdastyǵynyń (ASBK) ókilderi jáne Chehıa men Germanıadan 40-qa jýyq ókil, onyń ishinde jýrnalıser belsendi qatysty.