Kásipkerlerge jańa erejelerge beıimdelýge 2 aı ýaqyt berildi
Chehıa dámhanalarynda plasık ydysty paıdalanýǵa tyıym salyndy. Bir rettik qoldanylatyn as quraldaryn, tárelkeler men tútikshelerdi endi tutynýǵa bolmaıdy, dep habarlaıdy Almaty-akshamy.kz «Habar 24» telearnasyna silteme jasap.
Bul talapty Eýroodaq 3 jyl buryn qoıǵan bolatyn. Biraq resmı Praga atalǵan shartty oryndaýǵa asyqpaı júrgen edi. Byltyr ekologtar Chehıanyń iri qalalaryndaǵy qoqystyń 70 prosenti plasıkten turatynyn dáleldep, dabyl qaqty.
Jańa zań Pragadaǵy saýdagerlerge qıyn soǵýda. Buǵan deıin satylymǵa, adam jınaýǵa, áleýmettik araqashyqtyq saqtaýǵa arnalǵan kovıd shekteýlerinen zardap shegip kelgen kásipkerler endi ydys-aıaǵyn aýystyrýǵa májbúr. Bul ózgeris bıznesmenderdiń qaltasyn qaǵa bastady.
«Álbette, qyrýar shyǵynǵa batamyz. Árbir tıynymyzdy sanap otyrǵan shaqta bul úlken soqqy boldy. Fastfýdtyń bir palatkasyna keminde 500 dollar jumsaýymyz kerek. Onyń ústine plasıkti ne nársemen aýystyratynymyzdy áli tolyq sheshken joqpyz. Ázirge aǵash quraldar alyp jatyrmyz. Staqandar men tárelkelerdi qaǵaz túrimen aýystyrdyq. Biraq olar óte qymbat jáne tez búlinedi», - deıdi saýdager Omerta Zakık.
Plasıkten qutylmasqa amal joq. Sebebi kóshede odan aıaq alyp júrgisiz. Saldarynan qustar men janýarlar qyrylyp jatyr. Resmı málimet boıynsha, jylda Chehıada 300 mıllıon plasık tútikshe, 80 mılllıon as quraly jáne 40 mıllıon staqan satylady. Endi jylyna 2 mıllıard plasık ydysqa qysqarý kerek.
«Maqta taıaqshalaryna, kóbikti polıstırol staqandaryna da tyıym salyndy. Budan basqa gıgıena zattaryna, dymqyl maılyqtar men temeki ónimderine baılanysty talaptar engizildi. Endi óndirýshiler tutynýshyǵa bul ónimderdi qalaı joıý kerektigi týraly aqparat berýi tıis. Temeki shyǵaratyn kompanıalar shylym qoqystaryn ózderi tazalap otyrýǵa mindetteldi», - deıdi qalalyq ekologıa bóliminiń basshysy Pavol Trna.
Jańa zańdy Chehıa saýda ınspeksıasy men sanıtarlyq qyzmet mekemeleri qadaǵalaıdy. Bıznesmenderge erejelerge beıimdelýge 2 aı ýaqyt berildi. Odan keıin zań buzǵandarǵa aıyppul salynyp, kásibi jabyla bastaıdy. Al ekologtar kelesi kezekte Parlamentke plasık shólmekterdi tutynýǵa tyıym salý týraly zań jobasyn ázirlep jatyr.