Aýyzsha nemese jazbasha túrde ar-namysty qorlaǵany úshin jaýapkershilik qarastyrylǵan.
Qazaqstanda áleýmettik jelilerdegi úı chattarynda osyndaı toptarda aıtylǵan balaǵat sózder men til tıgizý áreketteri aıyppulǵa nemese basqa ákimshilik jazaǵa ákep soqtyrýy múmkin, dep habarlaıdy aqshamnews.kz
Qazaqstan Respýblıkasynyń Qylmystyq kodeksiniń 131-babyna sáıkes, aýyzsha nemese jazbasha túrde ar-namysty qorlaǵany úshin jaýapkershilik qarastyrylǵan.
Qorlaý degenimiz – basqa adamnyń ar-namysy men qadir-qasıetin ádepsiz túrde kemsitý. Eger mundaı áreket aýyzsha aıtylsa: Jaza mólsheri: 100 AEK-ke deıin aıyppul (2025 jyly 393 200 teńge), nemese sol kólemde túzeý jumystary, ne 120 saǵatqa deıin qoǵamdyq jumystar. Al eger qorlaý áleýmettik jelilerde, sonyń ishinde chattarda jazylsa, jaza birshama qatańdatylady: Jaza mólsheri: 200 AEK-ke deıin aıyppul (2025 jyly 786 400 teńge), nemese sol kólemde túzeý jumystary, ne 180 saǵatqa deıin qoǵamdyq jumystar.
Eger siz ar-namys pen qadir-qasıetińizdi qorlaý faktisine tap bolsańyz, quqyq qorǵaý organdaryna shaǵymdana alasyz. Shaǵymǵa dálel retinde chattaǵy hat almasý nemese balaǵat sózderdiń skrınshottaryn qosa alasyz. Sodan keıin arnaıy lıngvısıkalyq sarapshylar máseleni zerttep, aıtylǵan sózderdiń qorlaýǵa jatatyn-jatpaıtynyn anyqtaıdy.