Amazon Web Services (AWS) júıesindegi iri aqaýdan álemniń túkpir-túkpirindegi kóptegen tanymal onlaın‑qyzmet isten shyqty, - dep habarlaıdy Aqshamnews.kz saıty The Verge-ke silteme jasap.
İstiń mán-jaıy
Aqaý Astana ýaqytymen 13:11-de bastalǵan. Kompanıa máseleni sheship jatqanyn aıtty.
Sky News málimeti boıynsha, tek AQSH‑ta Amazon Web Services júıesine baılanysty 2000‑nan asa habar túsken.
Downdetector derekteri aýqymdy aqaý kóptegen tanymal onlaın‑qyzmet pen qoldanbaǵa zaqym keltirgenin rastady. Sondaı-aq, Alexa, Amazon Music, Prime Video jáne tikeleı AWS platformasy isten shyqqan.
Budan basqa, Canva, Zoom, Roblox, Fortnite, Snapchat, Slack, Duolingo, Epic Games Store, PlayStation Network, Pokemon Go, Signal, Tidal, Wordle, Perplexity AI jáne IMDB aqaý paıda boldy.
Bul birqatar bank pen memlekettik organnyń qyzmetine de áser etti, onyń ishinde Bank of Scotland, Halifax, Lloyds Bank jáne Ulybrıtanıanyń HM Revenue & Customs (HMRC) saıty bar.
Sondaı-aq, BT, EE, Sky Mobile, Vodafone, Atlassian, Asana, Smartsheet jáne Square kompanıalar da aqaý baıqaǵan.
Qoldanýshylar Coinbase, Eventbrite, Peloton, Life360, Ring, Rocket League, Clash of Clans, Clash Royale, Hay Day, Dead by Daylight jáne AWS basqa da qoldanbalarǵa kirý qıyndaǵanyn aıtady.