Almatyda "Turǵyn úı qatynastary týraly" Qazaqstan Respýblıkasynyń Zańyndaǵy ózgerister jáne turǵyn úı komýnaldyq sharýashylyǵy salasyndaǵy sıfrlyq platformalardy paıdalaný qaǵıdattary boıynsha túsindirý jumystary turaqty júrgizilip keledi.
Qala ákimdigi "Komýnaldyq ınfraqurylym jáne turǵyn úı ınspeksıasy" basqarmasy Múlik ıeleri birlestikteriniń (MIB), Páter ıeleri kooperatıvteriniń (PIK) jáne jergilikti ózin-ózi basqarý organdarynyń ókilderimen jıi kezdesedii. PIK qaýymdastyǵy, Qoǵamdyq keńes jáne BAQ ókilderi qatysatyn aýdan ákimdiginde birneshe jınalys uıymdastyryldy.
Bul jumystyń basty maqsaty – turǵyn úı qoryn basqarý salasyndaǵy ashyqtyqty, jaýapkershilikti jáne kásibılikti arttyrý. Jańa algorıtmder MIB-ti qurý jáne tirkeý tártibin, Tikeleı birlesken basqarýdyń (TBB) erekshelikterin, sondaı-aq basqarýshy kompanıalar men páter ıeleri kooperatıvteriniń qyzmetine qoıylatyn talaptardy anyqtaıdy.
Turǵyn úı ınspeksıasyna esepshot ashý, ınjenerlik jelilerdiń, jedel satylardyń jáne órtke qarsy júıelerdiń jaı-kúıin baqylaý, sondaı-aq basqarý sýbektileriniń tizilimderin júrgizý boıynsha keń ókilettikter beriledi. Olar týraly aqparat jergilikti atqarýshy organdardyń ınternet-resýrstarynda jarıalanyp otyrady.
Turaqty júrgizilip kele jatqan túsindirý jumystary túsken qarjynyń ashyqtyǵyn kórsetýge, MIB tóraǵalary men basqarýshy kompanıalardyń menshik ıeleri aldyndaǵy jaýapkershiligin nyǵaıtýǵa, sondaı-aq turǵyn úılerge qyzmet kórsetý sapasyn jaqsartýǵa baǵyttalǵan.