Mundaı pikirdi «HAQ» qoǵamdyq qaıyrymdylyq qory bildirip otyr.
Bul qoǵamdyq qory on eki óńirde prezıdent saılaýynyń barysyn baqylaǵan, dep habarlaıdy Almaty-akshamy.kz.
Qazaqstandaǵy 400-deı saılaý bólimshesinde qordyń 600-den asa táýelsiz baıqaýshysy jumys istedi. Olardan bólek, taǵy 40-tan asa uıym birlese baqylaý júrgizdi. Arasynda óńirlik jáne respýblıkalyq uıymdar da bar. Táýelsiz baıqaýshylar saıası naýqan boıy aqparat quraldarynda, áleýmettik jelide jaryq kórgen materıaldardy da zerttegen.
«Salystyrmaly túrde aıtqanda, basqa saılaýdan osy saılaýdyń ereksheligi bar. Aıyrmashylyǵy bar. Jeńildetip jatyr. Jáne saıası júıe lıberaldyqqa, demokratıalyq ózgeristerge kele jatyr. Sony biz baıqaı aldyq. Shynymen de saılaý ýchaskelerinde Toqaevtyń jeńisi basqalarǵa qaraǵanda zor. Eger meniń ýchaskemde Toqaevqa 490 daýys berse, qalǵan bes kandıdatqa kóp bolsa 10-12 adam daýys berdi», - deıdi «HAQ» QQQ atqarýshy dırektory Toǵjan Qojaly.