Ol buryn sot úkimimen tárkilengen úsh úı men eki páter túrindegi memlekettik múlikti jymqyrdy dep kúdiktelýde.
Sybaılas jemqorlyqqa qarsy qyzmet 2023 jyldan beri izdeýde júrgen "Ý"-dy ustap, Almaty qalasy PD ÝUI qamaýǵa alyndy, dep habarlaıdy Almaty-akshamy.kz
Alaıaqtyq Almaty qalasy boıynsha ákimdik pen UQKD laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaıtyn múlikti satý jolymen jasalǵan.
Aǵymdaǵy jyldyń 14 maýsymynda Bishkek qalasynda "Ý" azamaty ustalǵannan keıin ol Qyrǵyz Respýblıkasy İİM qyzmetkerlerine jeńildetilgen rásimder boıynsha óz erkimen Otanyna oralýǵa daıyndyǵy týraly habarlady.
Sol kúni Almaty qalasy prokýratýrasynyń úılestirýimen Sybaılas jemqorlyqqa qarsy qyzmet qyzmetkerleriniń súıemeldeýimen "Ý" azamaty Qyrǵyz Respýblıkasynyń shekarasynan ótip, Almaty qalasyna jetkizildi.
Qazirgi ýaqytta kúdiktiniń qatysýymen tergeý áreketteri júrgizilýde.
Qylmystyq-prosestik kodekstiń 201-babyna sáıkes ózge aqparat jarıa etýge jatpaıdy.