Ortasha medısınalyq avıasıa táýligine 15 ushýǵa deıin júzege asyrylady
jyly sanıtarıalyq avıasıanyń kómegimen 4420 pasıentke kómek kórsetilgen. Bul týraly QR Densaýlyq saqtaý mınıstrliginiń Telegram kanalynan málim boldy, dep habarlaıdy Almaty-akshamy.kz.
Ondaǵy málimettege qaraǵanda, medısınalyq avıasıanyń kómegimen qyzmetker kórsetilgenderdiń 1468-i (33 %) patologıasy bar bala, 730-y (17 %) jaraqattanǵan, jaısyz jaǵdaıǵa tap bolǵan, ýlanǵandar. Sondaı-aq atalǵan tizimde akýsherlik praktıkadaǵy shuǵyl jaǵdaılar boıynsha qyzmet kórsetilgen pasıentter859 (19 %), qanaınalym júıesi aýrýlary bar pasıentter 560 (13 %), jańa týǵan balalar 517 (12 %), basqa aýrýlary bar 286 (6%) turǵyndar bar.
2022 jyldyń qorytyndysy boıynsha 5230 medısınalyq qyzmet oryndaldy, onyń ishinde: medısınalyq uıymdarǵa 2381 pasıent (45%) tasymaldandy, 153 kúndizgi konsýltasıa (3%) ótkizildi, 205 operasıa (4%) oryndaldy, 2491 (48%) qashyqtan medısınalyq qyzmet uıymdastyryldy.
Halyqqa konsýltasıalyq jáne jedel medısınalyq kómek kórsetý úshin Astana, Almaty qalalarynyń respýblıkalyq klınıkalary men medısınalyq uıymdarynan 251 maman tartyldy.
«Medısınalyq avıasıa jumysy pasıentterdi tasymaldaý, betpe-bet konsýltasıalar, operasıalar júrgizý, qashyqtan medısınalyq qyzmetter kórsetý, donorlyq aǵzalar men bıomaterıaldardy tasymaldaý sıaqty baǵyttarda júrgiziledi. Búgingi tańda respýblıka boıynsha ortasha medısınalyq avıasıa táýligine 15 ushýǵa deıin júzege asyrylady»,-delingen habarlamada.
Sondaı-aq mınıstrliktiń málimetterine qaraǵanda, 2022 jyly medısınalyq avıasıa nysanynda medısınalyq qyzmetter kórsetý úshin Ulttyq shuǵyl medısınany úılestirý ortalyǵynyń dıspecherlik qyzmetine 2985 ótinim kelip tústi, onyń 628-inen bas tartyldy (meteojaǵdaılar, tehnıkalyq sebepter, pasıenttiń jaı-kúıiniń nasharlaýy jáne t.b.).
2022 jyldyń qorytyndysy boıynsha, medısınalyq avıasıa 2357, onyń ishinde tikushaqtarmen – 470, ushaqtarmen – 1887 (onyń ishinde 41 ushýdy Azamattyq avıasıanyń turaqty reısteriniń áýe kemeleri oryndady) ushýdy oryndady.