Júrgizilgen tekserýlerdiń maqsaty - halyqtyń áleýmettik osal sanattarynyń quqyqtaryn qorǵaý
2024 jyldyń qorytyndysy boıynsha Qazaqstannyń barlyq óńirlerinde memlekettik áleýmettik qorǵaý ınspektorlary 2 695 tekserý júrgizdi, onyń 741-i profılaktıkalyq baqylaý sheńberinde, 751-i jospardan tys, 1 203-i prokýratýranyń talaby boıynsha, dep habarlaıdy aqshamnews.kz Eńbek jáne halyqty áleýmettik qorǵaý mınıstrligine silteme jasap.
Tekserý qorytyndylary boıynsha anyqtalǵan buzýshylyqtardy joıý týraly 1087 uıǵarym berildi, sondaı-aq jalpy somasy 230,3 mln teńgeden astam aıyppul túrinde 973 ákimshilik jaza qoldanyldy.
Memlekettik baqylaýmen: ákimdikter – 178, jergilikti atqarýshy organdardyń bólimderi men basqarmalary – 112, memlekettik mekemeler – 117, balabaqshalar – 470, mektepter – 805, kolejder, lıseıler – 145, aýrýhanalar, emhanalar – 89, arnaýly áleýmettik qyzmetter kórsetý ortalyqtary – 101, ońaltý ortalyqtary – 11, dúkender – 22, saýda úıleri – 39, DK – 50, mádenıet úıi – 12, muraǵattar, murajaılar – 13, bankter – 12, kafeler, meıramhanalar, qonaq úıler – 33, notarıýstar – 4, sanatorııler – 8, «Qazposhta» AQ bólimsheleri – 9, polısıa pýnktteri – 8, stomalogıa – 4, avtobýs parki, avto/temirjol vokzaldary, áýejaılar – 9, kitaphana – 4, BJSM, sport mektepteri – 16 jáne basqalar qamtyldy.
Esterińizge sala keteıik, 2023 jylǵy 1 shildede QR Áleýmettik kodeksi kúshine engen kezden bastap, elimizde memlekettik áleýmettik qorǵaý ınspektorlarynyń ınstıtýty engizildi. Olardyń quzyretine múgedektigi bar adamdardy áleýmettik qorǵaý, arnaýly áleýmettik qyzmetter kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaýdy júzege asyrý kiredi.